1. |
Китеп ээлеринен (иудейлер жана христиандар) жана көп кудайчылдардан болгон ишенбөөчүлөр өздөрүнө ачык-айкын кабарлар(Куран жана Ислам Пайгамбары) келген кезге чейин өз жаңылыштыктарынан (Жаратканга шек келтирүүдөн) ажырай алышпады. |
2. |
Алладан келген элчи(Мухамед) аларга тап таза акыйкат чындык кабарларды окуду (айтып берди). |
3. |
Аларда (китептерде) туура өкүмдөр бар. |
4. |
Китеп ээлеринен болгондор(иудейлер жана христиандар) качан гана аларга ачык-айкын кабарлар(Куран аяттары) келген кезге чейин (бир-биринен) ажырашкан жок; |
5. |
Аларга чыныгы динди таза бекем кармап, бир гана Аллага сыйынууга жана намаз окуп, зекетти (тиешелүү) орундарга берүүгө буйрук кылынды. Мына ушул гана – акыйкат жолунда адамдардын тутунган дини. |
6. |
Акыйкатта, Китеп ээлеринен жана мушриктерден(көп кудайчылардан) чыккан ишенбөөчүлөр- алар Тозоктун алоолонгон отунда түбөлүккө болушат. Алар – адамдардын эң жаманы. |
7. |
Акыйкатта, ыйман келтирип – Аллага ишенгендер жана жакшылык иштерди кылгандар, алар – адамдардын эң жакшысы. |
8. |
Аларга Жараткан тарабынан төмөн жактарында өзөн-дарыялар агып турган бейиш бактары түбөлүккө сыйлык үчүн берилет. Алла Таала аларга ыраазы болот жана алар да Аллага ыраазы болушат. Бул(сыйлыктар) өз Жаратканынан корккон такыбалар үчүн гана. |