1. |
Таразадан алдагандарга азап! |
2. |
Алар адамдардан өлчөп алышканда толук алышат да, |
3. |
Башкаларга таразалап, өлчөп беришсе кемитип беришет. |
4. |
Алар тирилүүлөрүн анык экенин байкап билишпейби?! |
5. |
Улуу Күндө |
6. |
Дал ошол Күнү адамдар ааламдардын Эгесине туруп келишет. |
7. |
Жок, ыплас-бузукулардын китеби “Сижжинде”(жазылып коюлган). |
8. |
Сен “Сижжин”эмне экенин билесиңби? |
9. |
Мөөрдөлгөн китеп. |
10. |
“Ошол күн жалган”- дегендерге азап. |
11. |
Алар Кыямат күндү жалган дешет эле. |
12. |
Чектен ашкан күнөөкөр гана аны жалган дейт. |
13. |
Биздин аяттарыбыз аларга окулса, алар: “Мунун баары мурункулардын уламыш-жомогу”- дешет. |
14. |
О жок! Жасаган иштери себептүү алардын жүрөктөрүн кара дат каптап калган. |
15. |
Акыйкатта ошол Күнү алар өз Эгесинен тосулуп калат (Жаратканды көралбай калышат). |
16. |
Андан ары алар алоолонгонотко киришет. |
17. |
Анан аларга: “Мына ушулар, силердин жалганга чыгарганыңар”-делинет. |
18. |
Акыйкатта такыбалардын китеби “Иллиййинде”сакталат. |
19. |
Сен “Иллиййин” эмне экенин билесиңби? |
20. |
Мөөрдөлгөн китеп. |
21. |
Алар үчүн Аллага жакын (периштелер) күбөлүк беришет. |
22. |
Акыйкатта такыбалар Бейиште болот. |
23. |
Бийк орундуктарда көз салып турушат. |
24. |
Сен алардын жүзүнөн Бейиш жыргалын байкайсың. |
25. |
Аларга мөөр басылган суусундук берилет. |
26. |
Анын бүтүшү жыпар жыттуу. |
27. |
Анын ширеси (кошулмасы) “Тасним”. |
28. |
Аллага жакындар гана мөлтүр булактан ичишет. |
29. |
Күнөөкөрлөр момундардын үстүнөн (шылдыңдап) күлүшчү. |
30. |
(момундар) алардын жанынан өтүп баратканда алар (шылдыңдап) бири-бирине көз ымдашчу эле. |
31. |
А качан өз кишилерине кайтып барганда (өз кылыктарына) маашырлана кайтычу. |
32. |
Аларды(момундарды) көргөн кездеринде: “Аныгында булар-адашкандар” дешет эле. |
33. |
Бирок бул күнөөкөрлөр(момундарга) көзөмөлчү кылып жөнөтүлгөн эмес. |
34. |
Ал Күндө момундар капырлардын үстүнөн шылдыңдап күлөт. |
35. |
(Бейиште) бийик мамыктардын (орундуктардын) үстүндө көз чаптырышат. |
36. |
Каапырлар өз кылгандары үчүн сооп алмак беле?! |