1. |
(Каапырлардын жанын) катуу сууруп алчуу (периштелерге) ант. |
2. |
(Момундардын жанын) жумшак алчуу (периштелерге) ант. |
3. |
Буйрукту тез аткарууга (түшкөн периштелерге) ант. |
4. |
(Момундардын жандарын бейишке) шашылыш алып баруучу (периштелерге) ант. |
5. |
(Дүйнө иштерин ) теске салуучу (периштелерге) ант. |
6. |
Тигил күнү силкинүүчү (жер) силкинет. |
7. |
Аны эрчитүүчү ээрчийт. |
8. |
Жүрөктөр ошол күнү коркушат. |
9. |
Көз караштары кейиштүү. |
10. |
Изибизге кайтар бекенбиз?! – деп, айтышат. |
11. |
Сөөктөрүбүз сөпөт болуп кетсе делеби?! |
12. |
О андай болсо бул кайтуубуз коромжулуу го?! – дешкен. |
13. |
Албетте ал (эрчитүүчү) – бир эле үн (айкырык). |
14. |
Ошол эле замат алар (жамы журт) бозоргон жер бетинде (болуп калышат). |
15. |
Жетти беле сага Мусажөнүндө кабар, |
16. |
Ыйык “Тува” өрөөнүндө ага (Мусага) Эгеси (Алла) үн салган кезде: |
17. |
(Айтты) фараонго жөнө! Албетте ал чектен ашты. |
18. |
Анан (ага) айткын: “Сага тазаланууңа үндөйүнбү?!” |
19. |
Сени Эгең тарапка багыттайын. Анан сен коркоорсуң. |
20. |
Анан ага (пайгамбарлык) эң улуу белгисин көрсөттү. |
21. |
Ошентип (Фараон Мусаны) жалганчы деп, (Аллага) күнөөкөр болду. |
22. |
Андан соң артына кетип, (бузуктук менен) жүрүш жасайт. |
23. |
(Сыйкырчыларын) жыйнап, жар салды. |
24. |
Анан айтты: “Мен силердин улук Эгеңермин”. |
25. |
Алла аны “акыркы” жана биринчи (айткан сөзү үчүн) жазалады. |
26. |
Албетте мында (Алладан) корккондого үлгү бар. |
27. |
Силерди жаратуу кыйынбы же куруп койгон асманбы? |
28. |
Анын (асмандын) шыбын бийик кылып, (кынтыксыз) тегиз кылды. |
29. |
Анын түнүн караңгы кылып, күндүзүнүн нурун да чыгарды. |
30. |
Тигинден кийин, анан жерди төшөдү. |
31. |
Жерден суусун жана жайытын пайда кылды. |
32. |
Тоолорду ага (жерге) бекем орнотту. |
33. |
Силер жана силердин малдарыңар пайдалансын үчүн. |
34. |
Ошентип улук күн (экинчи сурнай тартылганда) келгенде, |
35. |
Бу күнү инсан өткөн жүрүшүн (кылган амалдарын) эсине салат. |
36. |
Көргөн адамга тозок оту ачык кылынат. |
37. |
Ошондо каапыр инсан, |
38. |
(Ал жалган) дүйнөнүн жашоосун тандаган эле. |
39. |
(Анын) бара турган жери – албетте тозок оту. |
40. |
Ал эми Эгесинин алдында туруудан коркуп, Ободон (напси каалаган нерселерден) өзүн тыйган адам, |
41. |
(Анын) бара турган жери – албетте Бейиш. |
42. |
Сенден кыяматтын качан болушу жөнүндө сурашат. |
43. |
Аны эстөө сенден оолак болгон нерсени. |
44. |
Сенин Эгеңдин өзүнө гана тиешелүү нерсе (башка эч ким билбейт). |
45. |
Албетте, сен андан корккондорду гана эскертүүчүсүң. |
46. |
Алар аны (кыяматты) көргөн күнү кечке курун же эрте менен (бир аз) турган сыяктанышат. |