1. |
Кыямат Күнүнө ант. |
2. |
Өзүн-өзү жемелеген жанга ант. |
3. |
Инсан Биз анын сөөктөрүн чогултупаларыбызга ишене албай турабы? |
4. |
(Чындык) ооба Биз анын манжаларынын учунан бери өз калыбына келтирүүгө кудуреттүүбүз. |
5. |
Балким … инсан келечекте бузукулукту дагы да кыла берүүнү каалап турабы? |
6. |
Ал: “Кыямат Күнү качан болот?” – деп сурайт. |
7. |
Качан көздөр караңгыласа |
8. |
Ай түнөргөн-тутулган кезде |
9. |
Күн менен Ай биригишкенде (кезде) |
10. |
Инсан ошол Күнү: “Мага кутулуучу жай кайда бар?” – деп сурап калат. |
11. |
О жок! Качып кутулуу жок. |
12. |
Ал Күндө Эгеңдин алдында гана (кутулуучу) жай (бар). |
13. |
Ошол Күнү инсанга ал алдына эмне даярдап, (алып) келгенине, эмнени артына калтырып койгонунан кабар берилет. |
14. |
Инсан (ал күнү) өзүнө өзү күбөлүккө өтөт. |
15. |
Эгер ал кечирим суроону кааласа да. |
16. |
(Эй Мухамед), сен тилиңди шашкалактап кыймылдатпа. |
17. |
Акыйкатта аны жыйноо жана окутуу Бизге таандык. |
18. |
Биз аны сага окуп бергенден кийин гана окууга ээрчигин. |
19. |
Андан соң (аны) түшүндүрүү Биздин иш. |
20. |
О жок! Силер нак дүйнөнү сүйөсүңөр да, |
21. |
Акыретти артка таштап коесуңар(акырет үчүн амал кылбайсыңар). |
22. |
Бир жүздөр ошол күнү кароочу(Жаратканды көрүшөт). |
23. |
(Алар) Эгесине карашат. |
24. |
Ал күнү (бир топтун) өңдөрү тырышып-шүмүрөйөт. |
25. |
Алар өздөрүнүн омуртка-белин сындырчуу азапты күтүшөт. |
26. |
О жок! Жан алкымга келген кезде |
27. |
“Ким дем сала алат?” – деп айтылат(эми ким дем аркылуу шыпаа бере алар экен деп көздөрү чачырайт). |
28. |
Ошондо ал айрылуу маалы келгенин сезет. |
29. |
Буттары бириктирилет(өлгөндөн кийин буту колдорун түздөп жанына коет). |
30. |
Ал күнү Эгесинин алдына (айдалып) келет. |
31. |
Ал (ыймансыз) ишенген да, намаз окуган да эмес. |
32. |
(Куранды) четке кагып, (динден) терс бурулган |
33. |
Мактана-бой көтөрүп, үй-бүлөсүнө барган. |
34. |
Куруп кал сен, о куруп кал! |
35. |
Андан соң(дагы кайталайм) куруп кал сен, куруп кал. |
36. |
Пенде өзүн кароосуз(эч бир милдет жүктөлбөй эле), таштап салынган деп ойлойбу? |
37. |
Урук суусунун(эненин курсагындагы) бир тамчысы эмес беле?! |
38. |
Андан соң ал уюган кан болгон жана аны тегиздеп(кооз келбетке) жараткан. |
39. |
Андан(уруктан) эркек, ургаачы кылып, жупту жараткан. |
40. |
Бул эмне(ошончонун баарын жасап) өлүктөрдү кайра тирилте албайбы?! |