|
1. |
Китаб ахлуладан да, мушрикледен да къаршчы чыкъгъанла, алагъа Аллахдан ачыкъ далил келгенден сора къаршчы болдула. |
|
2. |
Аллахны келечиси алагъа таза сухуфаланы (джазыуланы) окъуй тургъанлай, (аланы эшите, биле тургъанлай), |
|
3. |
ичлеринде да эм тюз джазыула болгъан. |
|
4. |
Ол кеслерине китаб берилгенле уа, къуру алагъа ачыкъ далил келгенден сора бёлюндюле. (тюрлю – тюрлю динлеге). |
|
5. |
Алагъа да, къуру таза джюрекден, ханифле болуб, намаз да къыла, зекят да бере, бир Аллахха къуллукъ этерге буюрулгъан эди. Ма олду тюз дин. |
|
6. |
Ишексиз, китаб ахлуладан да, мушрикледен да къаршчы болгъанла (Мухаммадха, Къураннга), ишексиз, ала ёмюрге джаханим отдадыла. Ма ала джер юсюнде адамланы аманларыдыла. |
|
7. |
Алай а, (ол къауумдан), ийман да салыб, ашхы къуллукъла да этгенле, ишексиз, ала да джер юсюнде адамланы ашхыларыдыла. |
|
8. |
Раббийлерини джанында аланы хакълары, тюбю бла суула баргъан, ёмюрге анда турургъа Аднан джаннетледиле. Алагъа Аллах да разы болгъан, ала да Анга разы болгъан халда. Ол зат а, къуру Иеси Аллахдан къоркъгъан адамгъады. |
