1. |
Мен ант этеме къарангылы басхан кече бла да, |
2. |
болгъанны джарытхан кюндюз бла да, |
3. |
эркекни, тишини джаратхан бла да. |
4. |
Сизни дыгаласыгъыз (къайгъыгъыз) бирча тюлдю, |
5. |
Ким (Аллах джолунда садакъа) берсе, такъуалы да болса, |
6. |
эм ашхы затны да (джаннетни) кертиге санаса, |
7. |
Биз аны эм тынч джерге (джаннетге) джолун тынч этербиз. |
8. |
Алай болмай къызгъанч болса, байлыкъны да джыйыб турса, (саулукъда бермей), |
9. |
эм ашхы затны да ётюрюкге санаса, |
10. |
Биз эм къыйын джерге аны джолун тынч этербиз. |
11. |
Ол ары кетгенден сора уа, байлыгъы аны къутхармаз. |
12. |
Ишексиз, тюз джолну кёгюзтюрге Бизни борчубузду. |
13. |
Бу дуния да, ахырат да Бизникиди. |
14. |
Мен а сизни джаннган отдан къорууладым. |
15. |
Анда кюерик а эм джарлы адамды, |
16. |
(Къуранны) ётюрюкге санаб ары бурулуб кетген. |
17. |
Андан (отдан) кенг боллукъ а, Аллахдан эм бек къоркъгъанды, |
18. |
тазаланыр ючюн рысхысын берген (аямагъан). |
19. |
(Садакъа алгъан) адамны, аны ючюн, ызына къайытарыргъа джукъ хакъы джокъду, |
20. |
(берген а), къуру мийик Раббисини разылыгъын излеб бергени болмаса. |
21. |
Ол (адам) а артда къууаныр, (садакъасы къабыл болуб бюсюреу, хакъ излемей, кёзбаусуз бергени ючюн. Бу аятха кёре, ашау – ичиуле этиб, андан да джукъчукъла алыб ёлгеннге маулутла, хакъы бла Куран окъуу, дууала деб, джыйылыу диннге къаршчы келеди). |