|
1. |
Мен ант этеме: кюн бла да, аны джарыъы бла да, |
|
2. |
(таймаздан) аны ызындан джюрюген ай бла да. |
|
3. |
(болгъанны) джарытхан кюндюз бла да, |
|
4. |
(дунияны) джабхан кече бла да, |
|
5. |
кёк бла да, аны ишлеген бла да, |
|
6. |
джер бла да, аны джарытхан бла да, |
|
7. |
джан бла да, анга толу сыфат берген бла да, (хар несин кереклисича этиб). |
|
8. |
Сора ол джанны ичине кесин бошлауну да (гюнахха), Аллахдан къоркъуб кесин сакълауну да салгъан бла да. (Адамны ичинде игиликге, аманлыкъгъа да джол салыныбды. Сайлау адамны кесине къалады. Ойлашыб, акъылын хайырландыргъанына кёре боллукъду сыйы, адамлыгъы. Бу суурада аны юсюнден айтады). |
|
9. |
Ким аны (джюрегин) тазаласа, ол насыблы болур. (Кесини къайгъысын кёрюб). |
|
10. |
Ичин кирлей къойгъан а, ол ёкюнюр (сокъураныб). |
|
11. |
Семудну къаууму терсейиб (келечини) ётюрюкге санагъан эди, |
|
12. |
аладан эм насыбсыз бир адам ёрге тургъан заманда, (тюени кесерге). |
|
13. |
Аллахны келечиси (Салих) алагъа: “Бу Аллахны тюесиди, бу да аны суу ичген джериди, анга тиймегиз”, – деген эди. |
|
14. |
Алай а ала аны ётюрюк этиб (ийнанмай) тюени сингирлерин кесген эдиле (ёлтюрген эдиле). Сора Раббийлери, аланы гюнахлары себебли, къыйынлыкъла къуюб тюб – тюз этиб къойду, |
|
15. |
арт джанына уа Ол (кишиден) къоркъмады. |
