1. |
Огъай! Мен бу шахар (Меккя) бла ант этеме. |
2. |
(Мухаммад), бу шахарда турургъа сен тыйыншлыса. (Меккячы гяуурла Мухаммадха анда джашау бермей, къыстагъандыла. Ол а анда тууб, ёсген джериди). |
3. |
Мен ант этеме ата бла да (Адам гъ.с.), аны туудукълары бла да. |
4. |
Биз адам улуну къайгъыланы ичинде джаратдыкъ. (Дуния джашауну, къабыр сорууну, къыямат кюнню къайгъылары). |
5. |
Сора ол (адам), анга кишини кючю джетмез дебми турады? |
6. |
“Мардасыз, къаллай бир рысхы джойдум”, – дейди ол. (Мухаммадха заран салыр ючюн, аны джауу). |
7. |
Огъесе, аны чырт киши кёрмейди деб, акъылы алаймыды? |
8. |
Сора Биз анга эки кёз этмедикми, |
9. |
бир тил бла эки эрин да бермедикми? |
10. |
Аны аллына эки джолну да (сайлаугъа) салмадыкъмы? |
11. |
Сора ол ауушдан ауаргъа кюрешмеймиди? (Къыйын джолну хорларгъа). |
12. |
Ауушдан аугъан деген неди, сен билемисе? |
13. |
Ол а къулну башына бош этиу, |
14. |
неда ачны тойдуруу – |
15. |
джууукъ джетген ёксюзню, |
16. |
неда ачдан тёнгереб тургъан мискиннге аш ашатыу. |
17. |
Андан сора йиман да салыб, бир-бирине сабырлыкъны, рахматны теджеучюледен болуу. |
18. |
Ма ала – онг иелеридиле (тюзюне баргъанла). |
19. |
Бизни аятларыбызгъа ийнанмагъанла уа – сол иелеридиле. |
20. |
Аланы (джаханим) от тутар. |