1. |
Мен ант этеме агъарыб атхан танг бла да, |
2. |
он кече бла да, (не оразаны арт ону, не къурманны ал ону) |
3. |
Пара-пара джаратылгъан бла да, нёгерсиз бла да, (бу Аллахха айтыла болур). |
4. |
саркъыб бошалыб баргъан кече бла да. |
5. |
Сора акъылы баргъа бу антла джетмеймидиле, (ойлашыргъа)? |
6. |
Сора Адны къауумуна Раббинг къалай этгенин, сен билмеймисе? |
7. |
Узун багъанала бла ишленнген Ирама деген элге, |
8. |
аныча бир къралда да болмагъан? |
9. |
Къаяланы кесиб ёзенледе юйле ишлеб тургъан, Семудну къауумуна да? |
10. |
Ол къазыкъла иеси фыргъаууннга да? (Муъминлеге къыйынлыкъ бериб тургъан). |
11. |
Джер – джерде, къраллада чекден чыкъгъанлагъа да. |
12. |
Ала джер юсюнде, къраллада кёб бузукъла этген эдиле. |
13. |
Сора Раббинг аланы юслерине азаб къамчисин джаудурду. |
14. |
Ишексиз, сени Раббинг халкъын мараб (сынаб) турады. |
15. |
Сора адамны (къылыгъын айтсакъ), сынаб Раббиси анга дуния байлыкъ берсе, ол: “Раббим, мени сыйлы этди”, – дейди. (Уллулукъ тутады). |
16. |
Сора, дагъыда, сынаб рысхысын дыккы этсе, ол: “Раббим мени сыйсыз этди”, – дейди. (Байлыкъ бла багъа береди). |
17. |
Огъай, алай тюлдю! Сиз не ёксюзню сыйын кёрмейсиз, |
18. |
не мискиннге аш ашатыргъа кишини къозгъамайсыз. |
19. |
Бир-бири тюбюнгю (ёлгенни) туташ ашайсыз. (Ёксюз, джарлы айырмайын энчилейсиз). |
20. |
Байлыкъны уа, мардасыз, къаты сюесиз. |
21. |
Огъай, алай тюлдю! Джер букъу – чукъу болгъан заманда, |
22. |
Раббинг да, саф – саф болуб тизилген мёлекле да келген заманда, |
23. |
сора ол кюн джаханим да келтирилир, хар адам да ол кюн этген затларын эсине тюшюрюр (ниетине дери). (Ол кюн) эсгергенден а не хайыр. |
24. |
Сора ол: “Ах анасыны, бу джашауума (ахыратыма) да бир джукъ къурасам эди”, – дер. |
25. |
Сора ол кюн Аллах азаб бергенча, анга бир киши азаб бералмаз. |
26. |
Ол салгъан богъоулача да киши бугъоу салалмаз. |
27. |
(Тюз адамгъа ол кюн): “Эй, тынчайгъан джан! |
28. |
Раббинге къайыт, сен Анга, Ол да сеннге разы болгъан халда! |
29. |
Энди Мени къулларымы ичине кир! |
30. |
Мени джаннетиме да кир!” – деб айтылыр. |