|
1. |
Мен ант этеме кёк бла да, кечеги джулдуз бла да. |
|
2. |
Кечеги джулдуз деген ол неди? |
|
3. |
Ол – бир джылтырагъан джарыкъ джулдузду. |
|
4. |
Биргесине сакълауулу болмагъан бир адам джокъду. (джазыучу мёлеги). |
|
5. |
Сора къарасын адам, ол неден джаратылды, |
|
6. |
чартлаб чыкъгъан суу (тамчыдан) джаратылды, |
|
7. |
омураула бла, кёкрек сюекден чыкъгъан. (Эркишини омрауундан, тиширыуну да кёкюрегинден. Эркиши бла тиширыуну арасында, бир – бирине къошулгъан суу тамчыдан джан салыб адам къурагъан Аллах, аланы экинчи кере да сау этерге кючю джетмезми дейсиз?) |
|
8. |
Ишексиз, аны ызына къайытарыргъа да (тирилтирге), Аллахны къолундан келир, |
|
9. |
адамланы ташалары ачылгъан кюн, (адамла, дунияда этген затларын унутуб бошаб тургъан, ичлеринде басдырыб тургъан затлары да), |
|
10. |
(ол кюн) аны не бир къарыуу джокъ башына, не анга бир болушуучу джокъ. |
|
11. |
Мен ант этеме, (хаман бурулуб) къайытыб келиучю кёк бла да, |
|
12. |
джарылыб (битим берген) джер бла да. |
|
13. |
Ишексиз, ол (Къуран) айырыучу затды, (кертини, ётюрюкню; аманны, игини; терсни, тюзню). |
|
14. |
Ол чам – оюн тюлдю. |
|
15. |
Ишексиз, ала да этедиле хыйлала. |
|
16. |
Мен да этеме (алагъа) хыйлала. |
|
17. |
Кяфырлагъа, сен, (Мухаммад), бир кесек болджал бер, бир кесек чыда, (ким хорларын бир кёрюрбюз). |
