1. |
Мен ант этеме, джулдузлу кёк бла да, (созвездиями зодиака) |
2. |
сёз берилген кюн бла да, (къыямат) |
3. |
шагъатлыкъ этген бла да, шагъатлыкъ этилген бла да: (файгъамбарла, мёлекле, китабла, санла д.а.к.). |
4. |
Ол чунгур иелери ёлсюнле – |
5. |
аны ичинде от джандырыб, |
6. |
кеслери да аны тёгерегине олтуруб, |
7. |
муъминлеге этген ишлерине къараб, (отха салыб кюйдюре) |
8. |
аладан ачыуларын алыб кюрешген, ала къуру уллу, махтаулу (Аллахха) ийман салгъанлары ючюн, |
9. |
кёклени, джерни оноулары да Аныкъы болгъан Аллахха. Аллах а хар неге да туурады. |
10. |
Ишексиз, муъмин эркишилеге да, тиширыулагъа да къыйынлыкъ бериб, сора тауба этмегенлеге, алагъа джаханимни кюйдюрген азабы хазырды. |
11. |
Алай а ийман салыб, ашхы къуллукъла этиб тургъанла, ала ишексиз, тюбю бла суула баргъан джаннетледе болурла. Ол а уллу насыбды, (ангылагъаннга). |
12. |
Ишексиз, сени Раббинги къарыуу уллуду, (азаб берирге). |
13. |
Ишексиз, Ол (джаратыуну) башлагъан да этеди, ызына да къайытарады джангыдан. |
14. |
Кеси да Ол бек кечиучюдю, сюймеклиги да уллуду (къулларына). |
15. |
(Сыйлы) гъаршны да Иесиди, махтаулуду. |
16. |
Мурат этгенин толу этиучюдю. |
17. |
Сеннге бир аскерни хапары келдими, |
18. |
Фыргъауунну да, Самудну да? |
19. |
Алай болса да, кяфырла (Къуранны) ётюрюкге санаб турадыла. |
20. |
Аллах а аланы арт джанларындан къуршалабды. |
21. |
Огъай, бу къуру махтаулу Къуранды, |
22. |
Лаухул махфузда (бурундан) сакъланыб тургъан. (Таза джерде, чырт, бир заран джетмеген не джинден, не башхадан). |