1. |
Кёк джарылгъан заманда, |
2. |
ол Раббисине бойсунуб, иш да тыннган заманда, (пландача), |
3. |
джер да (юсю тюб – тюз болуб) созулуб къалгъан заманда, |
4. |
ичин бери къотарыб, ол бош болуб къалыр, |
5. |
ол да Раббисине бойсунуб, иш да тынар, (пландача). |
6. |
Эй, инсан! Ишексиз, сен (кёче – кёче) Раббинге бара тураса, сен Анга тюберсе. |
7. |
Сора (алайда) китабы онг къолуна берилген адамны, |
8. |
сорууу тынч болур, |
9. |
ол къууанчлы ахлусуна къайытыр. (Джаннет нёгерлерине, юйдегисине). |
10. |
Китабы арт джанындан берилген киши уа, |
11. |
кесине ёлюм тилер, (термилмез ючюн), |
12. |
(огъай), ол а къызгъан отда кюер. |
13. |
Нек десенг, ишексиз, ол ахлусуну ичинде, керпеслениб уллу кёллю джашады, (ахыратны сан этмей). |
14. |
Ишексиз, аны Аллахны аллына келир акъылы болмады. |
15. |
Алай а Раббиси аны кёрюб турду. |
16. |
Огъай, алай тюлдю! Шафакъ бла да, (ингирги тейри джарыкъ), |
17. |
кече бла да, ол ичине джыйгъан затла бла да, (ингир болгъанлай, джаны болгъан затла кече къалыр джерлерин джокълаб, ашыгъыш патарларына джыйыладылы), |
18. |
толгъан ай бла да ант этеме, |
19. |
сиз бир къатдан, бир къатха (бир халдан, бир халгъа) кёчерсиз (туууб, уллу болуб, ёлюб, тирилиб, махшаргъа барыб, Аллахны аллына сюелиб). |
20. |
Алагъа не болгъанды, сора ийман нек салмайдыла? |
21. |
Къуран окъулгъан заманда да баш нек урмайдыла? |
22. |
Аны къой, кяфырла аны (Къуранны) ётюрюкге да санайдыла. |
23. |
Аллах а ала (ичлерине) джыйыб тургъанны иги билибди. |
24. |
Сен алагъа термилтген азабны сюйюмчюсюн айт, |
25. |
ийман салыб, ашхы къуллукъла этгенледен къалгъанлагъа, былагъа уа тауусулмазлыкъ джал барды. |