|
1. |
Кюн бюкленнген (нюрю кетген) заманда, |
|
2. |
джулдузла да джукъланыб чачылгъан заманда, |
|
3. |
таула да джюрютюлген заманда, |
|
4. |
он айлыкъ буаз тюе иесиз къалгъан заманда, |
|
5. |
кийик джаныуарла да джоппу – джоппу джыйылгъан заманда, (не тюрлюсю да), |
|
6. |
тенгизле да джандырылгъан заманда, |
|
7. |
джанла да тёнгеклери бла къошулгъан заманда, |
|
8. |
джаны саулай бастырылгъан къызчыкъ да сорулгъан заманда |
|
9. |
ол не гюнахы ючюн ёлтюрюлдю деб, |
|
10. |
(гюнах, сууаб) тефтерле да джайылгъан заманда, |
|
11. |
кёк да (джабыуу алыныб) ачылгъан заманда, |
|
12. |
джаханим да джандырылгъан заманда, (гюнахлыла ары атыла тебреген заманда, джаханим от да гюрюлдеб, къаты джанарыкъды). |
|
13. |
джаннет да джууукъ келген заманда, |
|
14. |
(ол кюн) хар джан (ахыратха) не хазырлагъанын билир. |
|
15. |
Огъай! Мен ант этеме къайытыб келиучю (джулдузла) бла, |
|
16. |
(кёкде) бара – барыб ташайгъан, |
|
17. |
къарангылыкъ басхан кече бла да, |
|
18. |
агъарыб келген эртден бла да, |
|
19. |
ишексиз, бу (Къуран) сыйлы келечини сёзюдю, (Аллахны келечиси Джабраилни), |
|
20. |
деменгили гъаршны Иесинден келген, къарыуу уллу келечи, |
|
21. |
(мёлекле) Анга бойсунуб тургъан (Аллахдан), сора ышаннгылы болгъан, (Джабраил). |
|
22. |
сизни джолдашыгъыз (Мухаммад, чыртда), джинли (шашхынлы) тюлдю (ол сиз айтханча) |
|
23. |
Ол аны (Джабраилни) тейри джарыкъда ачыкъ кёргенди. |
|
24. |
Ташаны кёрген затына ол (Мухаммад), гызмарлыкъ этмеди. (Джюрегине ишеклик келтирмеди). |
|
25. |
Ол (Къуран) ташла бла тюйюлген шайтанны сёзлери тюлдю. |
|
26. |
Сора сиз къайры барасыз, (неле сёлешесиз?) |
|
27. |
Ол (Къуран) джер джюзюне, къуру ауазды, (башха зат тюлдю), |
|
28. |
сизден тюз джолгъа тюзелирге сюйгеннге. |
|
29. |
Аламланы Иеси (Аллах) тыйыншлы кёрмей, сиз тюз джолгъа тюзелалмазсыз. (Адам кесин тюзелиб тургъанга санаргъа ёчдю. Ол алай тюлдю. Тюзелгенни, къуру Аллахды билген. Адамны сагъышы, оюму, излеми, баргъан джолу Аллах излегенча болмаса, аны ийманы ийман болмайды, ариу ол кеси кесин ийманлыгъа санаб турса да). |
