1. |
Огъай! Мен ант этеме: къыямат кюн бла да, |
2. |
Огъай, Мен ант этеме! Кеси – кесин айыблаучу джан бла да, (терслеучю). |
3. |
Сора инсан, Биз аны сюеклерин чыртда джыялмазбыз деб, алай хыйсабмы этеди? |
4. |
Аны къой, Биз бармакъ учларына дери джыйыб аны (бурунча) тюзетирге къолубуздан келир. (Тамам, дуниядача сыфат берир). |
5. |
Алай а адам Аллахны аллында терсине барыргъа уялмайды. |
6. |
Сора ол: “Къыямат кюн къачан боллукъду”, – деб, сорады. |
7. |
(Ол а) кёзле аралыб къалгъан заманда (къоркъгъандан). |
8. |
(Кёкде) ай да тутулгъан заманда. |
9. |
Кюн да, ай да бирге джыйылыб къалгъан заманда. |
10. |
Сора адам да ол кюн: “Бир къачар джер джокъмуду?” – дер. |
11. |
Огъай, ол кюн бугъар джер табылмаз. |
12. |
Халкъ бары да ол кюн, къуру сени Раббинги аллына тохташыр. |
13. |
Хар адамны не хазырлагъаны, нени къойгъаны айтылыр. |
14. |
Ол огъай эсенг, адам ол кюн кеси – кесине къарар. (Дунияда этген ишлерин кёрюр, бары этгени ачыкъ болуб, кесини санлары анга шагъат болурла). |
15. |
Не къадар сылтаула къураб, (кесин джакълаб) кюрешсе да (хайыр болмаз). |
16. |
(Мухаммад), сен ашыгъыб, муну (Къуран) бла тилинги гузаба къымылдатма. (Джабраилни ауузуна чабма), |
17. |
аны (сени джюрегинге) джыяргъа да, сеннге окъургъа да Бизни бойнубуздады. |
18. |
Биз аны сеннге окъугъан заманда (Джабраилни ийиб), ол окъугъанны ызындын бар. |
19. |
Сора аны (сеннге ангылатыб) баямлау да Бизни бойнубуздады. |
20. |
Огъай, алай тюлдю! Сиз бу терк кетгенни (дунияны) сюесиз, |
21. |
ахыратны уа (сан этмей) къоясыз. |
22. |
Ол кюн а, бир къауумну бети джарыкъ болур, |
23. |
Раббисине къараб турур. (Ол кюн ашхы адам Аллахны кёрюр). |
24. |
Ол кюн, бир къауум бетле да мыдах (къара) болурла, |
25. |
энди мен джарлы бола тебредим деб, акъылына келир. |
26. |
Огъай, алай тюлдю! Джан тамакъгъа тыгъылгъан заманда: |
27. |
ала бир – бирине: “Мынга ким джарар эди”, – дерле. |
28. |
Ол, хы энди! Бу айырылыуду (дуниядан) деб, акъыл этер, |
29. |
бир инчик бир инчикге чалышыр, (джан ачы бла ахырат азаб), |
30. |
ол кюн сюрюлюу сени Раббингеди. (Аны аллына). |
31. |
Ол а (Къураннга) ийнанмады, не намаз къылмады, |
32. |
ол къой эсенг, аны ётюрюк этиб, ары бурулуб кетди, |
33. |
ол юйдегисине да ёхтем халда келди. |
34. |
(Эй ассы), къыйынлыкъ сеннге, къыйынлыкъ! |
35. |
Энтда къыйынлыкъ сеннге, къыйынлыкъ! |
36. |
Сора адам улу бош къалыб кетерикме деб, алай акъылмы этеди сора? |
37. |
Ол, (биринчи) тёгюлген суу тамчычыкъ тюлмю эди сора? |
38. |
Андан сора да ол, бир къан кесекчик болмадымы? Сора Ол (Аллах) аны джаратыб толу сыфат бермедими? |
39. |
Сора андан да эркиши, тиширыу джаратыб аланы юйдеги этмедими? |
40. |
Ма ол затланы эталгъан, ёлгенлени тирилтирге къолундан келмезми сора? |