1. |
Биреулен тюшер азабны юсюнден сорду (ышанмай), |
2. |
Ол, къуру кяфырлагъа келлик. Аны тыяллыкъ джокъду. |
3. |
(Аны келлиги) атлауучла иеси болгъан Аллахданды, (хар нени орнуна салгъан). |
4. |
Ары мёлекле да, Рух да (Джабраил) элли минг джыллыкъ джолну, бир кюннге чыгъадыла. |
5. |
(Мухаммад), сен ариу сабырлыкъ этиб тур, |
6. |
ишексиз, ала аны бир узакъгъа санайдыла, |
7. |
Биз а аны джууукъгъа кёребиз. |
8. |
Кёк эриген джезге ушаш (багъыр бетли) болгъан кюн, |
9. |
таула да титилген джюннге ушаш болгъан заманда (чачылыб), |
10. |
багъалы тенгле да, бир-бирин джокълаялмагъан кюн, |
11. |
ала ариу бир-бирин кёре турсала да. Сора гюнахлы адам ол кюн азабдан башын алалса аямаз: не балаларын бериб, |
12. |
не юй бийчесин, не къарнашларын, |
13. |
не аны кесине къысхан саулай тукъумун да, |
14. |
неда джер юсюнде болгъан затны барын да, ала аны къутхарыр ючюн. |
15. |
Огъай, алай болмаз. Ишексиз, (аны орну) джаннган отду, |
16. |
(адамны) башындан терисин сойгъан, |
17. |
(хакъгъа) арт бургъан (адамны) кесине чакъыргъанны, |
18. |
(байлыкъны да) джыйыб бастырыб тургъанны (къызгъанчны). |
19. |
Ишексиз, адам улу тынчлыкъсыз джаратылды, |
20. |
къыйынлыкъ келсе, чыдамсыз, |
21. |
игилик кёрсе (рысхылы болса) тоюмсуз. |
22. |
Къуру намазларын къылгъанла, |
23. |
намазларын даим орну бла сакъ болуб оздурмай къылыучула, |
24. |
рысхыларындан белгили хакъны чыгъаргъанла, |
25. |
тилеучюге да, инджилгеннге да, (ол тилемесе да), |
26. |
къыямат кюнню керти этгенле, |
27. |
Раббийлерини азабындан къоркъуб тургъанла, |
28. |
ишексиз, Раббийлерини азабы уа (келмез деб) ышаннгылы тюлдю, |
29. |
нафсыларын амандан (зийнадан) сакълагъанла, |
30. |
къуру юй бийчелери бла кеслери иелик этген тиширыуладан къалгъанладан. Ишексиз, ма ол къауум айыбдан тышындады. |
31. |
Ма бу ырджыдан ётгенле, ала уа чекден чыкъгъанладыла. |
32. |
Дагъыда аманатларына, берген сёзлерине сакъ болгъанла, |
33. |
шагъатлыкъларында да, таймай бирча тургъанла, |
34. |
намазларына сакъ болуб (кёзюуу бла) толу къылыучула, |
35. |
сыйлы джаннетледе боллукъла, ма аладыла. |
36. |
(Мухаммад), боюнларын да созуб, ол сени таба чабхан кяфырлагъа не болгъанды, |
37. |
джоппу-джоппу онгдан да, солдан да. |
38. |
Аланы хар бири да зауукълу джаннетге кийирилирине термилмеймиди сора? |
39. |
Огъай алай тюлдю! Биз аланы ала билген затдан (сыйсыз суу тамчыдан) джаратханбыз да. |
40. |
Огъай, огъай! Кюнчыгъышла бла да, кюнбатышла бла да Мен ант этеме! Ишексиз, Бизни къолубуздан келир |
41. |
аланы орунларын, аладан эсе иги адамлагъа ауушдурургъа, Бизни (ол ишде) киши аллыбызгъа ёталмаз. |
42. |
(Мухаммад), сен аланы, ол алагъа сёз берилген кюннге тюбегинчи дери сандракълана, ойнай турма къой. |
43. |
Сора ала, мыллыкъ атыб идолларына (табыныргъа) баргъанча, гузаба къабырларындан туруб чыкъгъан кюн, |
44. |
кёзлери сюзюлюб, юслерин сыйсызлыкъ басыб. Алагъа сёз берилген а, ма ол кюндю. |