64. Аттагъабун – Алданнган кюн

1.

Кёкледе, джерде бар затла бары да Аллахха махтаула этиб тазалаб турады.
Патчахлыкъ да, махтаула да Аныкъыды. Аны уа неге да къолундан келеди.

2.

Ол сизни джаратхан Аллахды. Сизни арагъызда (Анга) ийнанмагъанла да, ийнаннганла
да бардыла. Аллах а сизни не этгенигизни кёрюбдю, (ким къалай ийнаннганын).

3.

Ол хакъ болуб кёклени, джерни да джаратхан, сизге сыфат да берген, сыфатыгъызны
да бек ариу этген (Аллахды). Хар кимни да къайытыры Аны аллынады.

4.

Кёкледе, джерде бар затланы да билген, сиз басдыргъанны да, сиз ачыкълагъанны да
билген. Аллах а адамланы ичлерин билибди.

5.

Гяуурлукълары ючюн, бурун терс ишлерини азбын чайнагъанланы хапарлары сизге
келмедими сора? Алагл уа термилтген азаб барды.

6.

Аны себеби уа алагъа ачыкъ белгиле бла келечиле келиб, ала да алагъа: “Халкъча,
бир адам бизни тюз джолгъа тюзетиргеми излейди сора?” – деб, ийнанмай бурулуб
кетгенллери ючюн. Аллахны кереклиси джокъ эди, (аладан джукъ излемей эди). Аллах
а байды, махтаулуду.

7.

Кяфыр къауум: “Биз чыртда тириллик тюлбюз”, – деб бегитдиле. Сен алагъа :
“Огъай, мени Раббим бла ант этеме, Ол сизни чыртда тирилтмей къоймаз”, сора
сизни этген ишлеригизни хапарын да айтмай къоймаз”, – деб айт. Ол а Аллахха бек
тынчды.

8.

Аллахха да, келечисине да, Биз тюшюрген нюрге да (Къураннга да) ийнаныгъыз.
Ишексиз, Аллах а сизни этген ишлеригизден хапарлыды.

9.

(Ажымсыз), Ол халкъланы джыйгъан кюннге, сизни да джыяр. Ол кюн а кимле алданыб
болгъаны арагъа салыныр. (Адам улу, терс – тюз баргъан да, хар ким кесин тюзге
санайды. Алай а ол кюн, акъылларына таяныб: ширкге, бидгъагъа, адетлеге алданыб,
Аллахны буйругъун сан этмей баргъанла, аланы алданыб болгъанлары ол кюн
ачыкъланыр). Аллахха да ийнаныб, ашхы ишле да этиб тургъанланы, Аллах аман
ишлерин кетериб, хаманда анда турургъа ёмюрге, тюбю бла суула баргъан
джанннетлеге да кийирир. Ол а бек уллу насыбды (ангылагъаннга).

10.

Къаршчы болуб Бизни аятларыбызны да ётюрюкге санаб тургъанла ала уа, ёмюрге анда
турурла. Ала джаханим ахлула болурла. Ол а къалай аман орунду.

11.

Аллахдан буйрукъсуз бир къыйынлыкъ келмейди. Ким Аллахха ийман салса, ол
джюрегин тюзетди. Аллах а нени да билибди.

12.

Сиз Аллахха да, расулгъа да бойсунугъуз, джанласагъыз а келечибизни бойнунда
борчу, къуру ачыкъ аманатны джетишдириудю.

13.

Аллах бирди, Андан ёзге уа башха аллах джокъду. Муъминле да ма ол Аллахха
таянсынла.

14.

Эй, ийман салгъанла! Ишексиз, сизни юй бийчелеригизден да, балаларыгъыздан да
сизге джаула бардыла (ийманнга келмей, шериятха бойсунмай, дин ишледе сизге
бузукъ, чырмау болгъанла), аладан сакъ болугъуз. Сиз алагъа тёзсегиз, аясагъыз,
кечсегиз, ишексиз, Аллах да кечиучюдю, рахматлыды.

15.

Рысхыгъыз да, балаларыгъыз да, сизге къуру фитнадыла (сынамдыла). Джалны уллусу
уа, Аллах джанындады.

16.

Аллахдан, къолугъуздан келген чакълы бир, къоркъугъуз, тынгылагъан да,
бойсуннган да этигиз, джаныгъыз ючюн хайырлы джолда рысхыгъыздан да джоюгъуз.
Джюрекни къызгъанчлыгъындан сакъланнганла, ала насыблыладыла.

17.

Сиз Аллахха ариу ёнкюч берсегиз (рысхыгъыздан), Ол аны сизге къат – къат этер,
гюнахларыгъызны да кечер. Аллах а (не азгъа да) бюсюреу этиучюдю, джууашды,

18.

ташаны, туураны да билибди, кючю уллу акъыл Иесиди.