1. |
Кёкледе, джерде болгъан затла бары да Аллахха тасбихле (махтаула) этиб турадыла. Ол – кючю уллу, акъыл Иесиди. |
2. |
Эй, ийман салгъанла! Этмезлик затларыгъызны нек айтасыз. |
3. |
Ол этмезлик затларыгъызны айтханыгъыз ючюн, Аллах джанында аны ачыуу уллуду. |
4. |
Ишексиз, Аллах а аны джолунда, саф – саф болуб, бегимли къала кибик къазауат этгенлени ариу кёреди. |
5. |
(Эсге тюшюр) Мусса къауумуна: “Эй халкъым, мен сизге Аллахны келечиси болгъанымы биле тургъанлай, мени нек инджитесиз?”, – дегенин. Ала (хакъдан) тайгъанларында, Аллах да аланы джюреклерин тайдыргъан эди. Аллах а пасыкъ къауумну тюз джолгъа тюзетмез. |
6. |
(Эсге ал), Мариямны джашы Гъыйсаны да, ол: “Эй, Бану Исраилле! Меннге дери келген Тауратны да бегите, менден сора артда келлик Ахмад атлы келечини да (Мухаммадны) сюйюмчюсюн айта келген, Аллахны келечисиме мен сизге”, – деб айтханын. Ол алагъа ачыкъ далилле бла (белгиле бла) келгенинде, ала анга: “Бу ачыкъ хыйныды”, – дедиле. |
7. |
Исламгъа (диннге) чакъырыла тургъанлай, Аллахха кеси джанындан ётюрюклени айтыб тургъандан зулмучу бармыды сора? Аллах а залимлени тюз джолгъа тюзетмез. |
8. |
Ала ауузлары бла Аллахны нюрюн (динин) джукълатыргъа мурат этедиле, алай а гяуурла эрши кёрселе да, Аллах нюрюн толтурмай къоймазгъа излейди. |
9. |
Ол аллай Аллахды, тюз джолда, хакъ динде кесини келечисин джиберген, динлени барыны да башына чыгъарыб, аны белгили этмей къоймазгъа деб, ариу мушрикле аны эрши керселе да. |
10. |
Эй, ийман салгъан къауум! Къыйын азабдан къутхарлыкъ сатыугъа тюзетеимми Мен сизни? |
11. |
Ол а неди десегиз, Аллахха, Аны келечисине ийнаныу, малыгъыз бла да, джаныгъыз бла да Аллах джолунда кюрешиу. Билсегиз, ма ол хайырлыды сизге. |
12. |
Ол сизни гюнахларыгъызны да кечер, тюбю бла суула баргъан джаннетлеге да кийирир. Аднан джаннетледе джашау этерге ашхы орунла да берир. Ол а уллу насыбды. |
13. |
Сиз термилиб тургъан бир зат барды, ол да узаймай, Аллахны болушлугъу бла, хорлам келиб ачылыр (Мекка алыныр). (Мухаммад), сен муъминлеге аны сюйюмчюсюн айт. |
14. |
Эй, ийнаннганла! Аллахха (динине) болушуучула болугъуз. Мариямны джашы хауарийлеге: “Аллах джолунда меннге болушуучула кимледиле?”, – деб айтхан кибик. Хауарийле да: “Аллах джолунда болушуучула биз болабыз”, – деб, джууаб берген эдиле. Сора Бану Исраиллени бир къаууму ийнаннган эдиле анга, бир къаууму да ийнанмагъан эдиле. Сора Биз ийнаннглагъа болушуб, аланы джауларындан баш этген эдик. |