1. |
Ол (амалсыз) келлик келген заманда, (къыямат кюн), |
2. |
аны келирин ётюрюк эталлыкъ джокъду, |
3. |
ол кимни тёбен, кимни ёр этер. (Кимни сыйсыз, кимни сыйлы). |
4. |
Джер титиреб къаты чайкъалгъан заманда, |
5. |
таула да оюлуб чачылыб, |
6. |
букъу – чукъу болуб джайылыб кетселе. |
7. |
Сиз (ол заманда) ючге бёлюнюрсюз, |
8. |
аланы бирлери онг иелери болурла. Онг иелери, ала кимледиле? |
9. |
Бирле да сол иелери болурла. Сол иелери ала уа кимледиле? |
10. |
Ала уа тюз джолда башхаланы озгъанла (дунияда). Ол озгъанла уа ала кимледиле? |
11. |
Ала уа Аллахха джууукъ болуб, |
12. |
зауукъланнган джаннетледе тургъанла. |
13. |
Аланы кёбюсю буруннгуладан, |
14. |
ахыргъыладан да бир кесек. (Мухаммадны умметинден). |
15. |
Джасалгъан оюулу орундукълада, |
16. |
бир-бирлерине айланыб, аланы юслеринде таяныб – таяныб. |
17. |
Хаманда джашлай тургъан джашчыкъла да аланы тёгереклерине айлана, |
18. |
къолларында стаканла, къошунла, суусаб аякъла бла, |
19. |
ичлеринде не баш аурутмагъан, не эсиртмеген ичкиле бла; |
20. |
ала кеслери сайлагъан кёгетле да, |
21. |
сюйгенлерича этле да. |
22. |
Анда алагъа хур къызла да, |
23. |
къабындан чыкъмай тургъан инджиле кибик – |
24. |
(ол затла) алагъа, этген амаллары ючюн, хакъгъа. |
25. |
Ала анда не бир бош сёз, не бир гюнахлы сёз эшитмезле, |
26. |
къуру (бир-бирине) “салам-салам”, – деген болмаса. |
27. |
Онг иелери уа? Онг иелери ала кимледиле? |
28. |
Ала уа чыгъанасыз лотос терекни (кёлеккесинде болурла), |
29. |
джоппу-джоппу битген, банан тереклени арасында. |
30. |
узун кёлеккени тюбюнде, |
31. |
саркъыб баргъан сууланы арасында, |
32. |
тюрлю-тюрлю кёгетлени ичинде, |
33. |
не бошалмагъан, не къорууланмагъан, |
34. |
мийик тёшекледе, |
35. |
Ишексиз, Биз аланы къызла этиб джаратдыкъ, |
36. |
ала хаманда къызлай тургъан, |
37. |
эрлерине сюйюмлюле, (джыл бла) теб-тенгле, |
38. |
была бары да онг иелери ючюн. |
39. |
Аланы бир бёлеги буруннгу (умметледен), |
40. |
артдагъыладан да (бу умметден) бир джамагъат ючюн. |
41. |
Сол иелери уа, ала кимледиле? |
42. |
ала да исси тылпыуда, къайнар сууну да, |
43. |
къара (джаханим) тютюнню тюбюнде, |
44. |
не бир салкъын, не бир игилик болмагъан. |
45. |
Ала (дунияда) байлыкълары бла керпеслениб болдула, |
46. |
уллу гюнахха бегиб турдула, |
47. |
ала: “Биз ёлюб, топуракъ болуб къуру сюеклерибиз къалгъандан сора, биз къайытыб джангыдан тирилгенми этербиз сора? |
48. |
Бизни буруннгу аталарыбыздамы тирилирле сора?” – дейдиле. |
49. |
Сен алагъа: “Хо, буруннгула да, ахыргъыла да тирилирле, |
50. |
бары да, амалсыз, белгили кюннге джыйылырла. |
51. |
Сора сиз эй, аджашханла, ётюрюк этиучюле, ишексиз, |
52. |
“заккъум” терекни кёгетлеринден ашарсыз, |
53. |
андан къарынларыгъызны да толтурурсуз, |
54. |
ызындан да къайнар сууну ичерсиз, |
55. |
суусаб тюе джутланыб ичген кибик. |
56. |
Къыямат кюн ала ма былай сыйланырла. |
57. |
Сизни джаратхан Бизбиз. Сиз аны кертиге санамаймысыз сора? |
58. |
Кесигизден чыкъгъан суу кесекни кёрмеймисиз сора? |
59. |
Аны джаратхан сизмисиз, огъесе, Бизбизми? |
60. |
Биз сизни арагъызда ёлюмню да джаратдыкъ, Бизни бир киши озалмаз, (буйрукъну бир тюрлю эталмаз), |
61. |
Бизнича, не сизни ауушдуруб, неда орнугъузгъа сиз билалмагъан бир башха халкъ джаратыб. |
62. |
Сиз биринчи кере къалай джаратылгъаныгъызны билесиз (бек иги), сора бир кесек сагъыш этиб эс джыялмаймысыз? |
63. |
Сабан сюрюб, урлукъ атханыгъызгъа ойлашмаймысыз сора? |
64. |
Сизмисиз аны битдирген, огъесе Бизбизми? |
65. |
Биз сюйсек аны къургъакъ салам этиб да къояр эдик, сиз да сейирсиниб, къыйналыб: |
66. |
“Ишексиз, биз тёлеулюк болдукъ, (зырафына кюрешдик), |
67. |
ол къой эсенг, къуру да къалдыкъ”, – дерча. |
68. |
Ол ичген сууугъузну уа кёремисиз, (ойлашамысыз)? |
69. |
Булутладан аны сизми эндиресиз, огъесе, Бизми эндиребиз? |
70. |
Биз сюйсек аны ачы этиб да къояр эдик. Сора сиз аны ючюн шукур нек этмейсиз? (Аны бергеннге). |
71. |
Ол сиз джандыргъан отну да кёрмеймисиз, |
72. |
Аны отунун битдирген сизмисиз, огъесе, Бизми битдиребиз? |
73. |
Биз аланы оюмгъа да, джолоучула хайырланыргъа да джаратдыкъ. |
74. |
Махтаула бла сени Уллу Раббинги атын тазала. |
75. |
Джулдузланы тургъан орунлары бла Мен ант этеме. |
76. |
Сиз билсегиз а ол, ишексиз, бек уллу антды. |
77. |
Керти, ма бу сыйлы Къуранды, |
78. |
(Лаухул махфузда) китабда сакъланнгъан. |
79. |
Анга, къуру тазаланнганла болмаса, (абдезсиз) тиерге джарамагъан, |
80. |
Гъаламланы Иеси Аллахдан тюшюрюлген. |
81. |
Энди сиз, бу (Аллахдан) келген хапарны сансызмы этерсиз сора? |
82. |
Аны (Къуранны) ётюрюк этгенигизни кесигизге насыбхамы санайсыз? |
83. |
Сора джан тамакъгъа тыгъылгъан заманда уа, |
84. |
сиз къараб къаласыз, (джукъ да эталмай) |
85. |
анга уа (ёле тургъаннга), ол кёзюуде, сизден эсе Биз джууугъуракъбыз, сиз аны кёрмейсиз ансы. |
86. |
Айхай сиз (умут этгенча) тёресиз (соруусуз) къалыб кетсегиз а, |
87. |
керти айта эсегиз, аны ызына къайытарыгъыз, (ёлтюрмей). |
88. |
Ол (ёлген), Аллахха джууукъ къауумдан эсе, |
89. |
анга рахатлы, къууанчлы, зауукъланнган джаннет хазырды. |
90. |
Ол онг иелеринден болса, |
91. |
онг иелери анга: “Онг иелеринден сеннге салам”, – дерле. |
92. |
Алай болмай, аджашханладан, (хакъны) ётюрюк этиучюледен болса уа, |
93. |
ол заманда аланы сыйларла; къайнар суула бла, |
94. |
джаханимде кюйдюрюу бла. |
95. |
Ишексиз, ма бу (хапар), сёзсюз хакъды. |
96. |
(Мухаммад), сен уллу Раббинги махтаула бла тазала. |