| 1. | მოაღწია შენამდე მბავმა „წარღვნისმა“, თავზარდამცემმა? |
| 2. | სახენი იმ დღეს, თავჩაღუნული სირცხვილითა, |
| 3. | ტყუილად დაღალულ-დაქანცული, |
| 4. | (ისინი) შენთებული იქნებიან გავარვარებულ ცეცხლში! |
| 5. | მდუღარე წყაროს წყლით დარწყულდებიან, |
| 6. | საკვებად კი მხოლოდ მწარე დარიის ეკლები (ექნებათ), |
| 7. | რომელიც არც გამოკვებავს და არც ანაყრებს. |
| 8. | და იქნება იმ დღეს სახენი გაბრწყინებული, |
| 9. | თავიანთი საქმეებით კმაყოფილნი |
| 10. | (დამკვიდრებულნი არიან) უმაღლეს სამოთხეებში! |
| 11. | იქ ვერ გაიგებ ფუჭსიტყვაობას! |
| 12. | იქ არის მოჩუხჩუხე წყაროები! |
| 13. | იქ არის მაღალი სავარძლები! |
| 14. | და (წინიდან) გამზადებული თასები (სასმელის მისართმევად)! |
| 15. | და ჩამწკრივებული ბალიშები! |
| 16. | და გაფენილი ხალიჩები! |
| 17. | ნუთუ არ შეხედავენ აქლემებს, როგორღა გაჩენილა? |
| 18. | და ზეცას, როგორ ამაღლებულა? |
| 19. | და მთებს, როგორ არის დარჭობილი (დედამიწაზე)? |
| 20. | და მიწას, როგორ გადაჭიმულა? |
| 21. | მაშ, შეაგონე, შენ ხომ მხოლოდ შემგონებელი ხარ! |
| 22. | შენ არა ხარ მათზე მოძალადე. |
| 23. | მაგრამ ვინც განუდგა (რწმენას) და უარყო (ყურანი), |
| 24. | ალლაჰი დასჯის მას უდიდესი სასჯელით! |
| 25. | უეჭველად, ჩვენდა მოიქცევიან! |
| 26. | უეჭველად, ჩვენ გვეკუთვნის ანგარიშგება მათზე! |
