| 1. | ადიდე სახელი ღმერთისა შენისა, უზენაესისა! |
| 2. | რომელმაც გააჩინა და გაათანაზომიერა! |
| 3. | რომელმაც (ყველაფერი) ზომიერად ჰყო და დაადგინა ჭეშმარიტ გზას! |
| 4. | და რომელმაც ამოაბიბინა ბალახი მდელოზე! |
| 5. | მერე აქცია იგი შავ ნაყარ-ნუყარად! |
| 6. | (ყურანს) ჩვენ წაგიკითხავთ შენ, ამის შემდეგ არ დაგავიწყდება! |
| 7. | იმის გამოკლებით, რაზეც იქნება ნება ალლაჰის. ის უწყის გაცხადებულს და დაფარულს! |
| 8. | ჩვენ გაგიიოლებთ შენ, რათა იყოს ადვილი! |
| 9. | შეაგონე შენ, თუ კი შეგონება სარგებელს მოიტანს! |
| 10. | შეისმენს ის, ვინც მოკრძალებულია (ღვთის მიმართ) |
| 11. | და ბედნავსი (ბედკრული,ურწმუნო) განშორდება მას, |
| 12. | რომელიც ყველაზე მძვინვარე ცეცხლში იქნება შენთებული! |
| 13. | შემდეგ იქ არც მოკვდება და არც იცოცხლებს! |
| 14. | უეჭველად, ნეტარ იქმნა, ვინც განიწმინდა! |
| 15. | და (განწმენდილმა სულმა) სახელი ღმერთისა მისი ახსენა და ლოცვა აღავლინა! |
| 16. | მაგრამ არა! თქვენ ამქვეყნიურ ცხოვრებას ამჯობინებთ, |
| 17. | თუმცა საიქიო ცხოვრება უფრო უკეთესია და მუდმივი! |
| 18. | უეჭველად, ეს უწინდელ ფურცლებშიც იყო მოცემული, |
| 19. | ფურცლები იბრაჰიმისა და (წიგნი) მუსასი! |
