| 1. | ვფიცავ ცას, მოჭედილს ზოდიაქოს თანავარსკვლავედით, |
| 2. | და აღთქმულ დღეს (წარღვნის დღეს)! |
| 3. | ვფიცავ მოწმეს და დამოწმებულს ! |
| 4. | წყეული იქმნენ სანგარნის მკვიდრნი, |
| 5. | (მასში) საწვავით სავსე ცეცხლის (პატრონები)! |
| 6. | აკი, ისინი მის გარშემო ისხდნენ |
| 7. | და უცქერდნენ (სიამოვნებით), მორწმუნეებს რაც ემართებოდა (როგორ იწვოდნენ ცეცხლში)! |
| 8. | მათ მხოლოდ იმისთვის აწამებდნენ, რომ სწამდათ ალლაჰისა, ძლევამოსილისა, დიდებულისა. |
| 9. | იგია, ვისიცაა ცათა და მიწის მეუფება; და ალლაჰი მხილველია ყოველივესი! |
| 10. | უეჭველად, რომელთაც აწამეს მორწმუნე კაცები და ქალები და შემდეგ არ მოინანიეს, მათთვისაა ტანჯვა ჯოჯოხეთისა ცეცხლოვანი! |
| 11. | უეჭველად, რომელთაც ირწმუნეს და ჰქმნეს კეთილი საქმენი, მათთვისაა სამოთხეები, სადაც ძირს მდინარეები რბიან, სწორედ ესაა უდიდესი ჯილდო (ნეტარება)! |
| 12. | უეჭველად, შენი ღმერთის რისხვა საშინელია! |
| 13. | უეჭველად, იგია, ვინც გააჩენს პირველად და (შემდეგ უკან) დააბრუნებს, |
| 14. | და იგია მიმტევებელი, მოყვარული, |
| 15. | (იგია) არშის ღირსეული მეუფე, |
| 16. | დამოუკიდებლად მოქმედი (შემოქმედი) იმისა, რაც ნებავს! |
| 17. | ნუთუ არ მოგვლენია ამბავი ლაშქრებისა |
| 18. | ფარაონისა და სამუდეველთა? |
| 19. | არა, ურწმუნონი გაბათილებით არიან დაკავებული. |
| 20. | მაგრამ მათ გარშემოერტყმება ალლაჰი შეუმჩნევლად! |
| 21. | ჭეშმარიტად, იგი (რისი გაბათილებაც სურთ) ყურანი დიდებულია, |
| 22. | დაცული ფიცარზე – „ლევჰი მაჰფუზზე“ ! |
