| 1. | როცა ცა გაიხსნა, |
| 2. | ღმერთის ბრძანებას ჰმორჩილა და სისრულეში მოვიდა ის (ცის გახსნა)! |
| 3. | და როცა დედამიწა გასწორდა, |
| 4. | ამოხეთქა, რაც მასშია და დაიცალა! |
| 5. | ღმერთის ბრძანებას ჰმორჩილა და სისრულეში მოვიდა ის (ცის გახსნა), |
| 6. | ჰეი, ადამიანო! უეჭველად, შენ ირჯები გარჯითა რთულით შენი ღმერთისთვის და ბოლოს წარსდგები მის წინაშე! |
| 7. | მაგრამ ვისაც წიგნი (პირადი საქმე) მიეცემა თავისივე მარჯვენაში, |
| 8. | უკვე იგი ადვილი დაკითხვით დაიკითხება (შეცდომები ეპატიება) |
| 9. | და დაუბრუნდება თავის ახლობლებს გახარებული! |
| 10. | ხოლო ვისაც წიგნი (პირადი საქმე) ზურგს უკნიდან მიეცემა, |
| 11. | მაშინვე სიკვდილს (განადგურებას, გაქრობას ინატრებს) მოუხმობს |
| 12. | და აალებულ ცეცხლში (ჯოჯოხეთში) იქნება შენთებული! |
| 13. | უეჭველად, იგი (ამქვეყნად) თავის ახლობლებში გახარებული (დალხენილი) ცხოვრობდა, |
| 14. | რადგანაც მას ეგონა, რომ უკან არასდროს დაუბრუნდებოდა (ალლაჰს). |
| 15. | არა, უეჭველად, ღმერთი მისი ხედავდა მას! |
| 16. | არა, ვფიცავ დაისს, |
| 17. | ღამეს, და რასაც მოიცავს იგი, |
| 18. | და მთვარეს, როცა გაივსება! |
| 19. | უთუოდ, ერთი მდგომარეობიდან მეორეში გადადიხართ! |
| 20. | განა მათ რა ემართებათ, რომ არ სწამთ? |
| 21. | და როცა ეკითხებათ ყურანი, სეჯდეს არ აღასრულებენ ისინი. |
| 22. | პირიქით, ურწმუნოები მას სიცრუედ რაცხავენ. |
| 23. | ალლაჰმა ყველაზე უკეთ უწყის, რასაც ფარავენ ისინი! |
| 24. | მაშ, აუწყე მათ სასჯელი მტანჯველი, |
| 25. | თვინიერ მათი, რომელთაც ირწმუნეს და ჰქმნეს სიკეთენი. მათთვის საზღაურია (ჯილდოა) დაუშრეტელი! |
