| 1. | როცა მზე წყვდიადში გაეხვევა, |
| 2. | და როცა ვარსკვლავები ჩამოცვივდებიან, |
| 3. | და როცა მთები ამოძრავდებიან, |
| 4. | და როცა მაკე აქლემებზე ხელს აიღებენ, |
| 5. | და როცა ცხოველები შეიკრიბებიან , |
| 6. | და როცა ზღვებს ალი მოედება, |
| 7. | და როცა სულები შეერწმულ იქნებიან |
| 8. | და როცა ცოცხლად დამარხულ გოგოს ჰკითხავენ: |
| 9. | რა ცოდვისთვის მოიკლა? |
| 10. | და როცა ფურცლები გადაიშლება, |
| 11. | და როცა ზეცა გაიხსნება |
| 12. | და როცა ჯოჯოხეთი გახურდება |
| 13. | და როცა სამოთხე მოახლოვდება, |
| 14. | გაიგებს სული, თუ რა მოიტანა |
| 15. | შეხედეთ, ღამით მანათობელ და დღისით განაბულ ვარსკვლავებს, |
| 16. | ჰორიზონტზე რომ ჩნდებიან და კვლავ ქრებიან! |
| 17. | ვფიცავ ღამეს, როცა ბნელდება, |
| 18. | და დილას, როცა თენდება! |
| 19. | უეჭველად, იგია (წმინდა ყურანი) ძვირფასი შუამავალის (მთავარანგელოზ ჯებრაილის) გადმოცემული სიტყვა, |
| 20. | (შუამავალს – მთავარანგელოზ ჯებრაილს) ძალა აქვს მინიჭებული ტახტის მეუფის მხრიდან და ღირსეულია მის (ალლაჰის) წინაშე, |
| 21. | მორჩილი და სანდო! |
| 22. | და მეგობარი (შუამავალი მუჰამმედი) თქვენი არ არის შეშლილი! |
| 23. | უეჭველად, მან გარკვევით იხილა იგი (ჯებრაილი) ცის კაბადონზე! |
| 24. | და იგი არაა, რომ დაფაროს თქვენგან რაც ზეშთაეგონა! |
| 25. | და ეს არ არის სიტყვა ჩაქოლილი ეშმაკისა! |
| 26. | მაშ, საითკენ მიეშურებით? |
| 27. | ის მხოლოდ შეგონებაა სამყაროთათვის, |
| 28. | იმათთვის, ვისაც სურს თქვენგან, რომ დაადგეს ჭეშმარიტებას! |
| 29. | და ვერაფერს ისურვებთ, თუ არაა ნება ალლაჰისა, სამყაროთა ღმერთისა! |
