| 1. | რას ეკითხებიან ისინი ერთმანეთს? |
| 2. | დიდებული ცნობის შესახებ , |
| 3. | რომლის თაობაზეც ვერ თანხმდებიან ეგენი. |
| 4. | მალე შეიტყობენ! |
| 5. | შემდგომში შეიტყობენ! |
| 6. | განა ჩვენ არ დავადგინეთ დედამიწა სარეცლად, |
| 7. | და მთები სვეტებად , |
| 8. | და გაგაჩინეთ თქვენ წყვილებად , |
| 9. | და ძილი თქვენი ვქმენით დასასვენებლად , |
| 10. | და ღამე ვქმენით საბურველად, |
| 11. | და ვქმენით დღე, დროდ ცხოვრებისა?! |
| 12. | ჩვენ აღვმართეთ თქვენს ზევით (თავზე) შვიდი მტკიცე , |
| 13. | და ვქმენით მოკაშკაშე მანათობელი |
| 14. | და მოვავლინეთ ღრუბლებიდან წყალი (წვიმა) მორაკრაკე, |
| 15. | რათა აღმოვაცენოთ მისით (წვიმით) მარცვალი (თესლი) და მცენარეები, |
| 16. | და ბაღები შებურულნი! |
| 17. | უეჭველად, განშორების დღე წინასწარ დადგენილი ვადაა! |
| 18. | ამ დღეს ჩაჰბერავს საყვირს და მოხვალთ ჯგუფ-ჯგუფად! |
| 19. | ცა გაიხსნება და დაემსგავსება კარიბჭეებს! |
| 20. | დაიძვრებიან მთები ადგილიდან და ილუზიად მოგეჩვენებათ! |
| 21. | უეჭველად, ჯოჯოხეთია ხაფანგად, |
| 22. | ზღვარგადასულთა განსასვენებლად, |
| 23. | და დაჰყოფენ იქ საუკუნოდ !… |
| 24. | და ვერ დააგემოვნებენ იქ ვერცა სასმელს და ვერცა (ეღირსებიან)სიგრილეს, |
| 25. | გარდა მდუღარე წყლისა და ჩირქისა, |
| 26. | საზღაურის შესაბამისად! |
| 27. | ვინაიდან, არასოდეს უფიქრიათ, რომ პასუხს აგებინებდნენ! |
| 28. | და სიცრუედ ჩათვალეს ჩვენი სასწაულები, უკიდურეს სიცრუედ, |
| 29. | და ჩვენ ყველაფერი წიგნად ავსახეთ! |
| 30. | მაშ, იგემეთ! არაფერს მოგიმატებთ, გარდა ტანჯვისა! |
| 31. | უეჭველად, ნეტარება ღვთისმოსავთათვისაა! |
| 32. | (ასევე მათთვისაა) ბაღები და ზვრები, |
| 33. | მკერდსავსე თანატოლები, |
| 34. | და სავსე ფიალები . |
| 35. | იქ არ მოისმენენ ეგენი ფუჭსიტყვაობასა და სიცრუეს! |
| 36. | საზღაურად ჯილდო შენი ღმერთისგან საკმარისია ! |
| 37. | ღმერთი, ცათა და მიწის და იმისა, რაც მათ შორისაა , მოწყალეა და არავის შესწევს ძალა მის წინაშე ილაპარაკოს ! |
| 38. | იმ დღეს სული და ანგელოზები ერთ მწკრივში დადგებიან და ვერ ილაპარაკებენ, თუ არა ის, ვისაც ნებას მისცემს მოწყალე, და ის იტყვის სიმართლეს! |
| 39. | ეს არის დღე ჭეშმარიტი . და ვისაც სურს თავის ღმერთთან თავშესაფარი დაიდოს , |
| 40. | უეჭველად, ჩვენ გაგაფრთხილეთ საზღაურის სიახლოვისა, იმ დღეს ადამიანი ნახავს იმას, რაც წაუმძღვარებია მის ხელებს, და იტყვის ურწმუნო: იქნებ მიწად გარდავიქცეო! |
