| 1. | დროის მონაკვეთის დინებაში ისეთმა პერიოდმა განვლო, რომ ადამიანის სახელი არც კი ყოფილა მოხსენებული? |
| 2. | უეჭველად, ჩვენ გავაჩინეთ ადამიანი შეწყვილებული ერთი წვეთი ნარევისაგან , გამოვსცდით მას, ამიტომაც დავუდგინეთ სმენა და მხედველობა. |
| 3. | უეჭველად, ჩვენ დავადგინეთ იგი ჭეშმარიტ გზაზე, მაგრამ მას შეუძლია იყოს მადლიერი ან უმადური. |
| 4. | უეჭველად, ჩვენ გავამზადეთ ურწმუნოთათვის ჯაჭვები, ბორკილები და ცხარე ცეცხლი. |
| 5. | უეჭველად, კეთილისმქმნელნი დალევენ ფიალებიდან, რომლის ნაზავი იქნება ქააფუურა , |
| 6. | ერთი წყარო მოჩუხჩუხე, რომლიდანაც დარწყულდებიან მსახურნი ალლაჰისა. |
| 7. | ასრულებენ შეპირებულს და ეშინიათ იმ დღის, რომლის სიავე გავრცელებულია. |
| 8. | და სიამოვნებით აპურებენ უპოვრებს, ობლებს და ტყვეებს. |
| 9. | ჩვენ მხოლოდ ალლაჰის კმაყოფილების სურვილით გაპურებთ თქვენ, ჩვენ არ გვსურს თქვენგან საზღაური და არც მადლობა. |
| 10. | უეჭველად, გვეშინია ჩვენი ღმერთისგან იმ მოქუფრული სახიფათო დღისა! |
| 11. | თუმცა დაიცვა ალლაჰმა ისინი ამ დღის სიავისგან და აზიარა ისინი უსაზღვრო სიხარულს. |
| 12. | და დააჯილდოვა ისინი იმისთვის, რამეთუ მოითმინეს, სამოთხეთი და აბრეშუმის სამოსით, |
| 13. | წამოწოლილი იქნებიან იქ სავარძლებზე, არ იხილავენ მზეს (სიცხეს) და არც ყინვას, |
| 14. | და სიახლოვედ მათ თავზე ჩრდილნი მისი და ჩამოიწევა დახუნძულული მწიფე ნაყოფი. |
| 15. | და ტრიალებენ მათ ზემოთ ვერცხლისა და ბროლის ფიალები, |
| 16. | ბროლის ფიალები ვერცხლისგან, რომლის ზომიერებაც გამსაზღვრულია. |
| 17. | და დარწყულებული იქნებიან იქ ფიალით, რომლის ნაზავი იქნება ზენჯებილა , |
| 18. | ერთ-ერთი წყარო, რომელსაც ჰქვია სელსებილა. |
| 19. | და გარს ეხვევიან ჭაბუკნი მარადნი. როცა იხილავ მათ, მსგავსნი მოფრქვეული მარგალიტისა. |
| 20. | და როს იხილო, ჰპოვებ კეთილდღეობასა და ფუფუნებას დიადს, |
| 21. | მათ (ეცმევათ) სამოსი მწვანე აბრეშუმისა, ატლასისა და შემკულნი ვერცხლის სამაჯურებით და დაარწყულა ისინი თავიანთმა ღმერთმა წმინდა სასმელით. |
| 22. | უეჭველად, ეს თქვენთვისაა ჯილდოდ, რამეთუ თქვენი მისწრაფება დაფასებულ იქმნა. |
| 23. | უეჭველად, ჩვენ ზედარმოვავლინეთ შენზე ყურანი თანდათანობით. |
| 24. | მაშ, მოითმინე მსჯავრი შენი ღმერთის. და არ დაემორჩილო მათგან ცოდვილებსა და ურწმუნოებს. |
| 25. | და ახსენე სახელი შენი ღმერთის დილით და საღამოს! |
| 26. | და ღამით, სეჯდე აღასრულე მისთვის და ადიდე ღამით ხანგრძლივად. |
| 27. | უეჭველად, მათ უყვართ წარმავალი სიცოცხლე და არად აგდებენ მძიმე დღეს. |
| 28. | ჩვენ გავაჩინეთ ისინი და ჩვენ განვუმტკიცეთ სხეული და თუ ვინებებთ, შევცვლით მათ, მათი მსგავსნის ჩანაცვლებით. |
| 29. | უეჭველად, ეს შეგონებაა! დაე, მსურველმა აირჩიოს თავისი ღმერთისკენ მიმავალი გზა. |
| 30. | და თქვენ ვერ ისურვებთ, თუ არა ნება ალლაჰისა. უეჭველად, ალლაჰი ყოვლისმცოდნეა, ბრძენია! |
| 31. | შეიყვანს თავის წყალობაში, ინებებს ვისაც, ხოლო უსამართლონს… სწორედ მათთვისაა მომზადებული მწარე სასჯელი. |
