| 1. | უეჭველად, ჩვენ წარვგზავნეთ ნუჰი თავის ხალხთან, რომ: „შეაგონე შენი ხალხი ვიდრე მიეწევა მათ სასჯელი მწარე“! |
| 2. | უთხრა: „ჰეი, ხალხო ჩემო! უეჭველად , მე ვარ ცხადი შემგონებელი თქვენთვის. |
| 3. | თაყვანი ეცით ალლაჰს, გეშინოდეთ მისი და გამომყევით მე! |
| 4. | რომ მოგიტევოს, შეცოდებანი თქვენი და გადაგივადოს დათქმულ დრომდე . უეჭველად, ალლაჰის დადგენილი ვადა როცა დადგება, არ გადავადდება, რომ იცოდეთ თქვენ! |
| 5. | თქვა: ღმერთო ჩემო! უეჭველად, მე მოვუწოდებდი ჩემს ხალხს დღე და ღამე, |
| 6. | მაგრამ არაფერი შეჰმატა მათ ჩემმა მოწოდებამ, თუ არა გაქცევა . |
| 7. | და უეჭველად, მე როცა ყოველჯერ მოვუწოდებდი მათ იმისთვის, რათა მიგეტევებია, იცობდნენ თითებს ყურებში, იფარებდნენ თავიანთ სამოსელს და იჟინებდნენ ამპარტავნობას ქედმაღლურად. |
| 8. | მერე, უეჭველად, მოვუწოდე მათ ხმამაღლა, |
| 9. | მერე, უეჭველად, გამოვუცხადე თან საჯაროდ და თანაც დაფარულად. |
| 10. | და ვუთხარი: მიტევება შესთხოვეთ თქვენს ღმერთს, რამეთუ იგი ყოვლისმიმტევებელია. |
| 11. | იგი ზეგარდმოგივლენთ ზეციდან უხვად წვიმას |
| 12. | და იგი შეგეწევა თქვენ ქონებითა და შვილებით, დაადგენს თქვენთვის ბაღებს და მდინარეებს. |
| 13. | რა გემართებათ თქვენ, რომ არ გულისხმაჰყოფთ ალლაჰის სიდიადეს? |
| 14. | როდესაც მან გაგაჩინა თქვენ სხვადასხვა სტადიებში , |
| 15. | განა ვერ ხედავთ, როგორ გააჩინა ალლაჰმა შვიდი ზეცა სართულებად? |
| 16. | და დაადგინა მთვარე მათ შორის სინათლედ და მზე ლამპრად. |
| 17. | და ალლაჰმა გაგაჩინა თქვენ მიწისგან მცენარედ, |
| 18. | მერე დაგაბრუნებს თქვენ იქ და გამოგიყვანს იქიდან. |
| 19. | და ალლაჰმა დაადგინა თქვენთვის დედამიწა ხალიჩად |
| 20. | იმისთვის, რომ იმოგზაუროთ მის ფართო უღელტეხილებზე. |
| 21. | თქვა ნუჰმა: ღმერთო ჩემო! უეჭველად, მათ მეურჩნენ მე და გაჰყვნენ იმას, ვისაც ვერ შეჰმატა ქონებამ და შვილმა ვერაფერი, გარდა ზიანისა. |
| 22. | მათ ხრიკი ჩაიფიქრეს უდიდესი |
| 23. | და თქვეს: არ მიატოვოთ თქვენი ღვთაებები: არც ვედდი და არც სუვაღი, არც იეღუსა, არც იეღუყე და არც ნესრა. |
| 24. | და მათ უკვე ბევრი აცდუნეს, და არა შეჰმატა უსამართლოებს, გარდა ცდომილებისა. |
| 25. | თავიანთი ცოდვის გამო დაიხრჩნენ, შემდეგ შეყვანილ იქნებია ცეცლში და ვერღა ჰპოვებენ მფარველთ, გარდა ალლაჰისა. |
| 26. | და თქვა ნუჰმა: ღმერთო ჩემო! არ დატოვო დედამიწის ზურგზე არც ერთი მოსიარულე ურწმუნო. |
| 27. | უეჭველად, შენ თუ დატოვებ მათ, აცდუნებენ ისინი შენს მსხურებს და არ შობენ ისინი, თვინიერ თავხედისა ურწმუნოსი. |
| 28. | ღმერთო ჩემო! მომიტევე მე, ჩემს მშობლებს და ვინც შემოვიდა ჩემს სახლში მორწმუნედ, და მორწმუნე კაცებსა და მორწმუნე ქალებს და არაფერი შეჰმატო უსამართლოებს, გარდა განადგურებისა. |
