1. |
Буьйсанах дуй боу Аса /цо Iалам боданца/ дIахьулдеш‚ |
2. |
Дийнах а дуй боу Аса‚ иза серладаьлча. |
3. |
Ша стаг а‚ зуда а кхоьллинчуьнца а дуй боу Аса. |
4. |
Баккъалла а, шун дIагIертарш тайп-тайпана ду-кх! |
5. |
Амма ша /сагIа/ делларг а‚ /Делах/ кхийринарг а‚ |
6. |
Ша уггар хазниг /бусулба дин/ бакъдинарг – |
7. |
Оха цуна аттадийр ду аттачунна /ялсаманийна/ тIе /водар/. |
8. |
Амма ша пис хилларг‚ /дуьненан/ хьал лехнарг а‚ |
9. |
Ша уггар хазниг харцдинарг – |
10. |
Оха цуна атта дийр ду халачунна /жоьжахатина/ тIе (водар). |
11. |
Иза хьалха воккхур вац цуьнан бахамо иза кIелвисча. |
12. |
Баккъалла а, Тхуна тIехь бу нийса некъ /иза билгалбаккхар/. |
13. |
Баккъалла а, Тхан ду тIаьхьарниг а‚ хьалхарниг а /эхарт а‚ дуьне а/. |
14. |
Аса кхерам тесина шуна алу кхуьссучу цIарца. |
15. |
ЧугIур вац цуна уггар даькъазниг бен‚ |
16. |
Ша /дин/ харцдина хилла волу, /цунах/ дIавирзина волу. |
17. |
Цунах генаваьр ву уггар /Делах/ кхоьруш верг‚ |
18. |
Шен бахам ша цIанвалан /закатна, сагIина/ луш верг‚ |
19. |
Цхьаннегара шена бекхамна дикана ца лоьхуш‚ |
20. |
Уггар лакхахь волчу ша Кхиош-кхобучун юьхь езар бен. |
21. |
Таьхьа реза хир ву иза /Дала ялсаманехь шена деллачу ниIматашна/. |