1. |
Стигал яьдча‚ |
2. |
Шен Кхиош-кхобуш волчу /Далла/ муьтIахь хилла‚ /и Далла муьтIахь хилар цуна/ хьакъ хилча /и массо хир ду къематдийнахь/‚ |
3. |
Латта дIадаржича /нисдича, тIаьхь мел йолу хIума дIа а яккхина/‚ |
4. |
Шена тIехь мел дерг дIакхоьссина‚ ша десса дисча‚ |
5. |
Шен Кхиош-кхобуш волчу /Далла/ муьтIахь хилла /и Далла муьтIахь хилар цуна/ хьакъ хилча. |
6. |
ХIай адам! Баккъалла а, хьо хьан Кхиош-кхобучунна тIе вахан къахоьгуш ву къахьегарца /валарна тIе вахан‚ я Далла/‚ хьо Цуна дуьхьал кхетар ма ву /я айхьа йинчу Iамална – диканиг ялахь а‚ вониг ялахь а/. |
7. |
Амма и шен тептар шен аьтту куьйга дIаделларг – |
8. |
ТIаьхьа цуна хьесап дийр ду аттачу хьесапаца /миза-терза узуш/‚ |
9. |
Шен цIийнан охIлана тIе иза воьрзур ву хазахеташ. |
10. |
Амма и шен тептар шега шен букъатехьахула дIаделларг – |
11. |
ТIаьхьа цо кхойкхур ду хIаллакхиларе /велла дIавалар атта дара цунна/‚ |
12. |
Чуваьр ву жоьжахатина. |
13. |
Баккъалла а, иза вара шен цIийнан охIлахь хазахеташ. |
14. |
Баккъалла а, цуна меттара ша /шен Кхиош-кхобучунна тIе/ вухавоьрзур вац. |
15. |
ХIаъ‚ баккъалла а, иза Кхиош-кхобуш волу Дела хилла цунах дерг гуш. |
16. |
ХIан-хIа! Дуй боу Аса малх дIабузуш стигал цIийяларца‚ |
17. |
Дуй боу Аса буьйсанах а‚ цо гулдечух а. |
18. |
Баттах а /дуй боу Аса/ и буьзича /боккха хилла/ |
19. |
Шу ховжар ма ду цхьаьна хьалера кхечу хьале. |
20. |
ХIун ду-те царна уьш ца теша? |
21. |
Шайна тIехь КъурIан доьшуш сужд ца да? |
22. |
ХIаъ! И ца тешаш хилларш /дин/ харцдеш бу-кх. |
23. |
Дела дика хууш ву цара шайгахь хьулдинарг. |
24. |
Кхаъ баккха царна лазош долчу Iазапца‚ |
25. |
Иман диллинарш а‚ дика Iамал йинарш боцучаьрна – царна хир ю хедар йоцу ял! |