|
1. |
Еарий ткъа адамна тIе заманан цхьа хан и ша хьехон хIума а доцуш? |
|
2. |
Баккъалла а, Оха кхоьллира адам ийначу тIадамах‚ Оха иза зуьйш ву /тIе декхарш дихкаршца‚ баланаш кхиссарца/. ТIаккха хилийтира иза хозуш а‚ гуш а. |
|
3. |
Баккъалла а, Оха иза нисвира новкъа: я цо баркалла олуш‚ я керста деш. |
|
4. |
Баккъалла а, Оха кечъйина цатешачаьрна зIайнаш а‚ буржолаш а‚ цIе а. |
|
5. |
Баккъалла /Дала бохург деш/ дика хиллачаьра мер ду кадачуьра /хаза маларш/ шех кафур /хаза хьеж йогIу хIума/ тоьхна долу. |
|
6. |
Шовданан хи муьйлур ду Делан леш‚ шаьш и схьадоккхуш /шайна луучахь/ шортта схьадаккхарций. |
|
7. |
Уьш кхочуш деш бу /Далла Iибадат дан/ делла дош‚ уьш кхоьруш бу /къемат/ дийнах‚ шен вон чIогIа даьржина долчу. |
|
8. |
Цара даадо даар шайна деззашехь мискачунна а‚ боберана а‚ йийсарна а. |
|
9. |
/Шаьш олуш/: “Оха даадо шуна Делан юьхьана /Делан дуьхьа/‚ тхуна ца беза шугара бекхам а‚ баркалла а. |
|
10. |
Баккъалла а, тхо кхоьру тхан Кхиош-кхобучуьнгара яххьаш чIогIа хебар йолчу дийнах”. |
|
11. |
Дала хьалхабехира уьш оцу дийнан вонах‚ дуьхьал туьйхира царна яьххьаш къегар а‚ хазахетар а. |
|
12. |
Бекхам бира царна шаьш /Далла ечу Iамална тIехь/ собар дарна бешций а‚ дариций а. |
|
13. |
Цигахь уьш Iийр бу маьнганий тIетевжина. Царна гур бац цигахь малх а‚ шело а‚ |
|
14. |
Гергахь хир ду царна /цу бешан/ IиндагIа‚ охьакхевдина хир бу цуьнан стоьмаш охьакхавдарах /аьтто хуьлуш шаьш баха ира хIоьттина волчунна а‚ охьа хиъна волчунна а‚ вижна волчунна а/. |
|
15. |
Царна тIехьийзор бу датон пхьегIаца‚ чохь са гучу кадаца /кегий нах/ – |
|
16. |
Датон чохь са гучу кадаца /оцу тIехьийзачаьра хьуна мала бегIийла йолчу кепара малар/ дIалуш. |
|
17. |
Цигахь малор бу чагIаран кад‚ шех занжабил тоьхна болу. |
|
18. |
Цигахь /малор ду/ шовда‚ шех салсабиль олу. |
|
19. |
Царна тIехьийзар бу къан ца лун кегирхой‚ хьуна уьш гича дIасхьадаржина луълуъ ду моьттуш. |
|
20. |
Хьо хьежначу хенахь‚ цигахь хьуна гур ду ниIматаш а‚ доккха паччахьалла а. |
|
21. |
Царна тIедуьйхина хир ду дуьтIкъачу баьццара дарин духар а‚ стоммачу дарин духар а‚ уьш хазбина хир бу датон чIагIаршца‚ уьш Кхиош-кхобучо царна малор ду цIена малар а. |
|
22. |
“Баккъалла а, хIара хили шуна бекхамна /аш йина дика Iамалш бахьанехь/‚ шун лелар хили хастаме”. |
|
23. |
Баккъалла а, Оха доссора хьоьга КъурIан /кIез-кIеззиг/ доссорца. |
|
24. |
Хьо собаре хила хьуо Кхиош-кхобучун хьукамна‚ хьо муьтIахь ма хила царех къинош дечунна а‚ /дин/ керста дечунна. |
|
25. |
Ахьа хьехае хьуо Кхиош-кхобучун цIе Iуьйранна а‚ суьйрана а. |
|
26. |
Буьйсанах а сужд де Цуна‚ тасбахь а де Цуна еххачу буьйсана. |
|
27. |
Баккъалла а, хIорш дукхадезаш бу сиха чекхдаьр дерг /дуьне/‚ дуьту шайн тIехьахь деза /хала/ де – /къематде/. |
|
28. |
Оха кхоьллина уьш‚ чIагIйина церан меженаш. Тхуна лиъча Оха /уьш/ хийцор бара царех терачаьраца хийцорца. |
|
29. |
Баккъалла а, хIара хьехам бу‚ шена луучо схьалецина /иза/ ша Кхиош-кхобучуьнга некъ бина. |
|
30. |
Шуна луур дац Далла лаахь бен. Баккъалла а, Дела хили хууш верг а‚ хьукаме верг а. |
|
31. |
Цо вуьллу Шена луург Шен къинхетамна чу. Ткъа зуламхой – царна Цо кечдина лазош долу Iазап. |
