|
1. |
Ахьа ала: “Соьга вехьеца хаийтина: “ЛадуьгIийра /КъурIане/ жинийн цхьана тобано‚ тIаккха цара элира: “Баккъалла а, тхуна хезира цхьа тамаше дешар /КъурIан/! |
|
2. |
Цо /КъурIано/ нисво нийсачу новкъа‚ тхо цунах тийшира‚ оха лацанне а лоцур вац тхаш Кхиош-кхобушволчу Делаца цхьа а накъост. |
|
3. |
Баккъалла а, лекха хили тхо Кхиош-кхобушволчу Делан возалла – ца леци Цо зуда а‚ доьзалхо а. |
|
4. |
Баккъалла а, хили тхан Iовдалниг олуш Далла тIехь кIорггера харцдерг. |
|
5. |
Тхуна меттара цIа а эр дац адамо а‚ жино а Далла тIехь харцдерг. |
|
6. |
Адамийн цхьа божарий бара ларлуш жинийн божаршца /цаьргара гIо луьйцуш/ – цара совбехира уьш Iовдаллица. |
|
7. |
Баккъалла а, царна меттара шуна метташ хилларг: “ЦIа а Дала цхьа а денвийр вац”‚ аьлла. |
|
8. |
/Жинаша элира/: “Тхо хьакхаделира стиглах‚ тхуна иза карийра нуьцIкъалчу гIаролах‚ цIе тухучу седарчех юьззина. |
|
9. |
Тхо хилира цигахь охьахууш ладогIаран охьахаарна. ЛадугIуш волчунна хIинца карор шена кIело йина Iеш болу цIе туху седа. |
|
10. |
Тхуна хаац‚ вониг лууш ду лаьттахь болчарна я уьш Кхиош-кхобушволу Дела царна нийса некъ лууш ву. |
|
11. |
Тхоьх диканаш бу‚ тхоьх царел лахарнаш а бу‚ тхо хилира тайп-тайпана некъенаш. |
|
12. |
Тхуна хиира: тхуна цIкъа а ницIкъ кхочур бац Дела (-н омрах довла) лаьттахь а‚ тхуна цIкъа а ницIкъ кхочур бац девдана кIелхьарадалан а. |
|
13. |
Тхуна нийса некъ /КъурIан/ хезича‚ тхо Цунах /Делах/ тийшира. Ша Кхиош-кхобушволчу шен Делах тешашверг – кхоьрур вац шен миэл эшарах а‚ къа сов даларх а. |
|
14. |
Баккъалла а, тхоьх /Далла/ мукIар берш а бу‚ тхоьх бакъболчу некъах дIабирзинарш а бу. Ткъа шаьш /Далла/ мукIар хилларш – дикачунна тIе нисбелла. |
|
15. |
Амма бакъболчу некъах дIабирзинарш – царех хили жоьжахатина дечиг”. |
|
16. |
Уьш нисбеллехьара /исламан/ новкъа Оха малор дара царна шортта хи (оьшучу хенахь шортта догIа дойтур дара Оха царна)‚ |
|
17. |
Цуьнца уьш зерхьама. Ша Кхиош-кхобушволу шен Дела хьехорах дIавоьрзуш верг Цо вуьллур ву лан хала долчу Iазапа чу. |
|
18. |
Баккъалла а, маьждигаш Делан ду – аш ма кхайкха Делаца цхьа а! |
|
19. |
Баккъалла а, Делан лай /Мухьаммад/ хIоьттича Цуьнга кхойкхуш уьш /бусулба джинаш/ дисира тIеттIа цуна тIе гулделла /ладогIа лууш/. |
|
20. |
Ахьа ала: “Баккъалла а, аса кхойкху со Кхиош-кхобушволчу сан Деле‚ Цуьнца цхьа а накъост ца лоцу аса”. |
|
21. |
Ахьа ала: “Баккъалла а, со вац сан долахь шун зен долуш‚ нийса некъ болуш а”. |
|
22. |
Ахьа ала: “Баккъалла а, со Делах ларор вац цхьаммо а‚ суна карор яц Иза воцург вадан меттиг |
|
23. |
Делера‚ Цуьнан элчаналлин дерг дIакхачор бен /нахе дац суна тIехь/. Далла а‚ Цуьнан элчана а Iесалла еш верг – баккъалла а, цуна жоьжахатин цIе хир ю‚ уьш цу чохь гуттар лаьтташ. |
|
24. |
Шайна хир ду аьлла ваIда йинарг галц – тIаккха хуур ду царна‚ мила ву вуно ледар гIоьнчий хиларца‚ вуно кIеззиг ницIкъ хиларца. |
|
25. |
Ахьа ала: “Суна хаац‚ герга ду и шуна хир ду аьлла ваIда йинарг я со Кхиош-кхобушволчу сан Дала цуна хан тоьхна‚ |
|
26. |
Къайле хуург /ву Иза/‚ Цо ца кхиаво Шен къайленна тIе цхьа а |
|
27. |
/Ша Далла/ реза хилла элча воцург. Баккъалла а, цуьнан хьалхахула а‚ тIаьхьахула а лела /иза Iалашвеш маликийн/ гIарол. |
|
28. |
Шена хаийтан цара /элчанаша/ дIакхачийна дуйла шаьш Кхиош-кхобушволчу шайн Делан элчаналла. Цаьргахь дерг кхоччуш хууш ву Иза‚ хIора хIума дагарйина Цо барамца”. |
