1. |
Нун. Дуй боу Аса къоламца а‚ цара /маликаша/ яздеш долчуьнца а: |
2. |
Хьо ма вац Делан къинхетамца жинийх. |
3. |
Баккъалла а, хьуна ма ю хадалур йоцу ял. |
4. |
Баккъалла а, хьо ма ву сийлахь-доккхачу гIиллакхна тIехь. |
5. |
ТIаьхьа гур ду хьуна‚ царна а гур ду‚ |
6. |
Мила ву шух питане лаьцнарг. |
7. |
Баккъалла а, хьо Кхиош-кхобуш волу хьан Дела – Иза ву дика хууш верг шен некъах тилавелларг‚ Иза ву дика хууш верг нийсачу новкъахь берш. |
8. |
Хьо муьтIахь ма хилалахь /дин/ харцдеш болчаьрна. |
9. |
Уьш лууш бара хьо кIеда хила – тIаккха шаьш кIеда хила. |
10. |
Хьо муьтIахь ма хилалахь массо /харц/ дуйнаш дуккха боуш сийсаза волчунна‚ |
11. |
/Массо/ луьйш волчунна‚ меттанаш дIасхьа кхуьйхьуш волчунна‚ |
12. |
Дикачу /хIуманна/ новкъарло еш волчунна‚ къинош деш дозанах ваьлла волчунна‚ |
13. |
Къизачунна‚ цул совнаха а шен дуьнена валар шеконехь долчунна /да мила ву ца хууш/. |
14. |
Шен хьал дара‚ кIентий а бара але /муьтIахь ма хилалахь цуна/. |
15. |
Шена Тхан аяташ дийшича цо элира: “Хьалхалерачийн туьйранаш ду хIорш”. |
16. |
Оха шен меран тIе васт дуьллур ду цуна. |
17. |
Баккъалла а, Оха зийр уьш‚ Оха цхьаьна бешан дай зерах терра: цара дуй биира‚ шаьш цуьнан стоьмаш туьйдур бу Iуьйранна‚ аьлла‚ |
18. |
“Дала мукъалахь” ца элира цара. |
19. |
ТIаккха цуна /бешана/ го тесира хьо кхиош-кхобуш волчу хьан Делера го тосуш долчу‚ уьш наб еш болуш. |
20. |
Iуьйранна /егана/ Iаржъелла карийра иза. |
21. |
Iуьйранга баьлча вовшашка кхийкхира цара: |
22. |
“Шайн беша гIо‚ шаьш стоьмаш бохур белахь”‚ аьлла. |
23. |
Уьш болабелира меллаша вовшашка луьйш: |
24. |
“Тахана шуна тIе /шун беша/ цхьа а мисканиг ма вогIийла /стоьмаш буьхуш/”. |
25. |
Iуьйранна новкъа белира уьш шайн дагахь /мисканиг/ духа тоха ницIкъ болуш. |
26. |
Иза шайна /егна/ гича‚ цара элира: “Баккъалла а, вай тиладелла‚ |
27. |
ХIаъ‚ вай /и стоьмаш/ боцуш дисина”. |
28. |
Царех кхечарел Iедале волчо элира: “Аса ца аьллера шуьга: аш /Далла/ хастам бинехьара”‚ аьлла? |
29. |
Цара элира: “Вонах цIена ву-кх и вай Кхиош-кхобуш волу Дела‚ баккъалла а, вай хили-кх зуламхой”. |
30. |
Уьш вовшашна бехкаш бохуш дуьхьал бийлира. |
31. |
Цара элира: “Ма бала бу вайна: вай дукха тIехдевлира”. |
32. |
Вай Кхиош-кхобуш волчу вай Дала вайна цул дикачуьнца хийцо а тарло. Баккъалла а, вай Кхиош-кхобуш волчу вайн Далла тIедирзина ду-кх”. |
33. |
Иштта ду Iазап‚ ткъа эхартан Iазап вуно доккха ду уьш хууш хиллехь. |
34. |
Баккъалла а, /Делах/ кхоьручаьрна шаьш Кхиош-кхобуш волчу Далла гергахь ниIматийн бошмаш ю. |
35. |
Ткъа Оха хуьлуьйту /Далла/ мукIар болу нах къинош дечарех тера? |
36. |
Шуна хIун хилла? Аш муха хьукам до? |
37. |
Я шуна жайна ду‚ аш цу чохь доьшуш? |
38. |
Баккъалла а, шуна цу /жайна/ чохь долуш аш мел хоржург? |
39. |
Я шуна Тхоьца биъна дуйнаш бу къематде кхаччалц‚ баккъалла а, шайна аш дина хьукам хир долуш? |
40. |
Хатта цаьрга‚ мила ву царех и чIагIдешверг. |
41. |
Я церан накъостий бу? Схьабалабе цара шайн и накъостий шаьш бакълуьйш хиллехь. |
42. |
Оцу дийнахь настарш ерзина хир ю‚ уьш кхойкхур бу суждане – царна мугар дац‚ – |
43. |
БIаьргаш охьадахна‚ сийсазалла тIейоьжна. Цаьрга суждане кхойкхуш дара уьш могуш болуш. |
44. |
Вита Со суо хIара хабар харцдеш волчуьнца. Оха схьалоцур бу уьш кIез-кIеззиг царна ца хуучухула. |
45. |
Аса хан лур ю царна. /Церан мекарлонна дуьхьал/ Сан мекарло чIогIа ю-кх. |
46. |
Я ахьа цаьрга мах боьху уьш декхарша кIелбитина болуш? |
47. |
Я цаьргахь гушдоцург /девзаш Iилма/ ду цара дIаяздеш? |
48. |
Собар де хьуо Кхиош-кхобуш волчу хьан Делан хьукамна‚ ма хилалахь чIеран накъостах тера: цо /Деле/ кхийкхира ша /чIеран кийрахь пашмаллица/ гатвелла волуш. |
49. |
Ша Кхиош-кхобуш волчун ниIмат шех ца кхиънехьара иза кхоьссина хир вара /чIеран кийрара/ ара сийсаза а хилла. |
50. |
Ша Кхиош-кхобуш волчо хаьржира иза‚ цо хилийтира иза дикачарех. |
51. |
Цатешаш берш кийча бу шайн бIаьргашца хьо хIаллак ван шайна хьехам хезначул тIаьхьа‚ цара олу: “Баккъалла а, иза жинийх ву-кх”. |
52. |
Иза-м бац массо Iаламна хьехам бен. |