1. |
Гергадеана сахьт /къематде/‚ бутт ахбаьллера. |
2. |
Шайн делил /муIжизат/ гичи а уьш /цатешарш/ бухабовлу /иманах/‚ цара олу: “Дахделла бозбуанчалла ду”. |
3. |
Цара харцдира /пайхамар ваийтар/‚ уьш тIаьхьабаьзира шайн дезаршна. Массо гIуллакх /диканиг а‚ вониг а/ чIагIделла ду /шен тоьхна хан йолуш/. |
4. |
Цаьрга деънера хабарш /хьалхалера Делах цатешаш хилла болу нах хIаллакбарах лаьцна долу/‚ шайна чохь /уьш къинах/ юхаозар а долуш. |
5. |
КIорггара хьикмат а /деънера цаьрга/. Пайда ца бора кхерамаша /хьехамаша/. |
6. |
Гена вала царех‚ /бита уьш/ кхойкхучо ца дезачу хIумане шаьш кхойкху /къемат/ де кхаччалц. |
7. |
БIаьргаш хьетIабевла /дукха кхерабаларна/ арабовлур бу уьш кешнашкара даьржина цIоз санна |
8. |
/Шайга/ кхойкхуш волчунна /тIе кхача/ сихбевла. /Эццахь/ цатешачаьра эр ду: “Ма хала де ду-кх хIара!” |
9. |
Харцдира /дин/ царел /Къурайшал/ хьалха Нухьан къамо. Цара харцвира Тхан лай /Нухь/‚ элира: “Жинех ву иза”‚ тIаккха иза дIаэккхира. |
10. |
ТIаккха цо кхийкхира ша Кхиош-кхобушволчуьнга: “Баккъалла а, со эшийна. Ахьа гIо де-хьа суна!” |
11. |
ТIаккха Оха дIаеллира стигланан неIарш дIакхуьссуш долчу хица. |
12. |
Лаьттах схьадехира Оха хьосташ хи вовшах кхийтира ша язделла хилла долчу омрана тIехь. |
13. |
Оха дIаваьхьира иза /Нухь кема тIехь/ аннаш а‚ хьостамаш а долчу. |
14. |
Иза /кема/ дIаихара Тхан бIаьргийн хьалхахь ша харцвина хиллачун бекхамна. |
15. |
Оха дитира иза делил хилла‚ ву-й цхьа а иза тергал деш верг? |
16. |
Муха дара Сан Iазап а‚ кхерамтасар а? |
17. |
Оха атта дира КъурIан дагалацан. Ву-й цхьа а дагалоцушверг? |
18. |
Харцдира /дин/ Iадаша а. Муха хилира Сан Iазап а‚ кхерамтасар а? |
19. |
Оха бахийтира царна шок лоькху мох дахделлачу декъазчу дийнахь. |
20. |
Цо схьабохура нах тидинчу хурманан диттийн орамаш /лаьттах схьадохуш/ санна. |
21. |
Муха хилира Сан Iазап а‚ кхерамтасар а? |
22. |
Оха атта дира КъурIан дагалацан. Ву-й цхьа а дагалоцушверг? |
23. |
Харцбира самудаша а кхерам тосурш. |
24. |
Цара /самудаша/ элира: “Тхайх цхьана адамна тIаьхьадезар ду тхо? ТIаккха-м хир ма дара тхо тилар чохь а‚ сизаллин чохь а. |
25. |
/Цара элира/: “Вайна юккъера вехьий кхоьссина цуьнга? ХIа-хIа! Иза ву-кх /сов/ харц луьйш дозалла деш верг”. |
26. |
Хуур ду царна кхана‚ мила ву /сов/ харц луьйш дозалла деш верг. |
27. |
Оха йохуьйтур эмкал царна питна хилла. Хьо хьовсал цаьрга /хIай Салихь/‚ собаре а хилла. |
28. |
Ала цаьрга‚ хи декъна хир ду царна юккъехь: хIоранна шен малар хир ду /шен хенахь/. |
29. |
Цара кхийкхира шайн накъосте‚ Цо /шен куьйга/ схьаийцира /шаьлта/‚ /эмкална/ хьекхира. |
30. |
Муха хилира Сан Iазап а‚ кхерамтасар а? |
31. |
Оха бахийтира царна тIе цхьа /чIогIа/ мохь – уьш /белла/ бисира /шен уьстагIашна уьш берзалошка ца дахьийта/ чIагIо йечун /Iийнина кIохцалин/ буц санна. |
32. |
Оха атта дира КъурIан дагалацан. Ву-й цхьа а дагалоцушверг? |
33. |
Харцдира ЛутIан къамо кхерамтасар. |
34. |
Оха бахийтира царна тIе тIулгаш хьош болу мох‚ ЛутIан доьзал юкъара боккхуш. Уьш кIелхьарабехира Оха сатосуш |
35. |
Тхайгара къинхетамца. Иштта бекхам бо Оха шукур дечунна. |
36. |
Цо /ЛутIас/ кхерамтесира царна Тхан ницIкъаца – цара шеко йира кхерамтасарх. |
37. |
Цуьнга /ЛутIе/ чIогIа бихира цара цуьнан хьеший – Оха бIаьрса схьаийцира церан‚ /элира/: “ХIинца Iовша шайна Сан Iазап а‚ Сан кхерам а”. |
38. |
Схьалийцира уьш Iуьйрана чIагIделлачу Iазапо. |
39. |
“Iовша шайна Сан Iазап а‚ Сан кхерам а”. |
40. |
Оха атта дира КъурIан дагалацан‚ ву-й цхьа а дагалоцушверг? |
41. |
ФирIавнан охIлана тIе а баьхкира кхерамчаш. |
42. |
Цара харцдира Тхан аяташ дерриге а – Оха схьалецира уьш Веза волчун‚ ницIкъ Болчун схьалацарца. |
43. |
Шун цатешарш дика бу царел /хIай Къурайш/ я шу цIена хиларан бакъо ю Зубурий чохь? |
44. |
Я цара /Абу ДжахIла/ олу: “Вай дерриге /цхьана хилча/ тоьлур ду /Мухьаммадал/”‚ |
45. |
Берриге /уьш/ эшор бу – бовдара бу уьш. /Иштта хилира Бадрехь тIамехь/. |
46. |
ХIаъ‚ сахьт /къематде/ ду царна тоьхна хан. И сахьт вуно ирча а ду‚ вуно къаьхьа а ду. |
47. |
Баккъалла а, къинош динарш тилар чохь а‚ хьекъал чохь боцуш а ма бу. |
48. |
Оцу дийнахь уьш такхор ма бу шайн яххьийн тIехь цIерга. /эр ду/: “Iовша шайна сакъарах хьакхадалар!” |
49. |
Оха массо хIума кхоьллина шен барамехь. |
50. |
Тхан омра-м цхьа /дош/ бен дац бIаьрнегIар тохар санна. |
51. |
Оха хIаллакьйира шух тера тобанаш – ву-й цхьа а дагалоцушверг? |
52. |
Массо цара дина долу хIума Зубурий чохь ду. |
53. |
Массо жиманиг‚ массо доккханиг дIаязделла ду. |
54. |
Баккъалла а, /Делах/ кхоьруш берш бошмашна чохь а‚ хишкахь а бу. |
55. |
Бакъдолчун гIантан тIехь‚ НицIкъ болчу Паччахьан /Делан/ хьалхахь. |