|
1. |
Седах /дуй боу Аса/ иза /лакхара/ охьабужуш: |
|
2. |
Некъах ца тили шун накъост /Мухьаммад пайхамар/‚ гала ца вели. |
|
3. |
Цо ца дуьйцу шегара /шена дезарг/. |
|
4. |
Иза деккъа вехьий ду цуьнга дIахоуьйтуш долу /Дала/. |
|
5. |
Иза /Мухьаммад пайхамар/ Iамийна ша ницIкъаца чIогIа долчо. |
|
6. |
Шегахь ницIкъ болчо. Иза /Джабраил малик/ нисса дIахIоьттира. |
|
7. |
Иза /Джабраил малик/ анан лекхачу меттигехь долуш. |
|
8. |
ТIаккха иза /Джабраил малик/ герга хилира‚ кхин тIех гергадера. /элчане вехьий дахьаш/. |
|
9. |
Иза хилира /гергахь/ шина Iадан барамехь‚ я кхин герга. |
|
10. |
Ишта вехьи дахьийтира Цо Шен лега‚ Ша дахьийтинарг. |
|
11. |
Харц ца дира /пайхамаран/ даго шена гинарг. |
|
12. |
Ткъа аш къуйсу цуьнца /пайхамарца/ цуна гиначуьнца? |
|
13. |
Цуна /Мухьаммад пайхамарна/ иза гира кхин а охьадоссарехь (кхин цIа дуссуш). |
|
14. |
Чакхенан /дозанан/ лотос диттан гергахь. |
|
15. |
Цуьнан гергахь ю /ялсаманин/ чугIойлан беш. |
|
16. |
Иза лотос – дитт хьулдо ша хьулдечо. |
|
17. |
ДIа ца тилина /пайхамаран/ бIаьрса‚ дозанах ца даьлла. |
|
18. |
Цуна гира шен Кхиош-кхобучун даккхичу аятех /аят/. |
|
19. |
Шун гирий-те Лата а‚ Iузза а? |
|
20. |
Кхин кхозлагIа Манат а? |
|
21. |
Ткъа шуна божабераш ду‚ Цуна зудабераш ду? |
|
22. |
Иза декъаза дакъа ма ду. |
|
23. |
Уьш еккъа цIераш ю аш а‚ шун дайша а тихкина йолу. Дала цхьа а бакъо ца йоссина /царех лаьцна/. Уьш тIаьхьахIуттуш ма бу деккъа шайн мотталуш долчуьнна а‚ /шайн/ дегнашна дезачуьнна а‚ Цаьрга ма беъна шайн Кхиош-кхобучуьнгара нийса некъ. |
|
24. |
Я адамна шена дезарг ду? |
|
25. |
Делан ю тIаьхьарниг а /эхарт/‚ хьалхарниг а /дуьне/. |
|
26. |
Маса малик ду стигланашкахь шайн шапаIаташа хIумма кIелхьарадоккхур доцуш Дала Шена луучунна пурба делча а бен‚ И реза хилча а бен?! |
|
27. |
Баккъалла а, эхартах цатешачара йоккху маликех зударийн цIе. |
|
28. |
Цуьнца цхьа а Iилма ма дац церан. Уьш тIаьхьахIуттуш ма бу деккъа моттарна. Ткъа моттаро хIумма хьалхадоккхур ма дац бакъдолчух. |
|
29. |
Хьо дIаверза Тхан хьехамах вухавеллачух‚ дуьненан дахар бен шена ца дезаш волчух. |
|
30. |
Иза ю церан Iилманах кхиаран дарж. Баккъалла а, хьо Кхиош-кхобуш верг /хьан Дела/ – Иза ву дика хууш Шен некъах тилавелларг а, Иза ву дика хууш ша нисвелларг а. |
|
31. |
Делан ду стигланашкахь мел дерг а‚ лаьттахь мел дерг Цо бекхам бархьама вон хиллачаьрна цара диначуьнца‚ Цо бекхам бан дикахиллачаьрна уггар дикачуьнца. |
|
32. |
Ишттанаш бу уьш шаьш генабовлуш къинойх даккхичарех а‚ боьхучух а кегийнаш бен /ца долуьйтуш шайгара/. Баккъалла а, хьо Кхиош-кхобушверг Шегахь шортта гечдар долуш ву-кх. Иза дика хууш ву шух дерг шу Ша лаьттах кхуллучу хенахь а‚ шу шайн нанойн кийрахь хIу долчу хенахь а. Шаьш цIан ма де – Иза дика хууш ву /Делах/ кхоьруш верг! |
|
33. |
Хьуна гирий и вухаваьлларг? |
|
34. |
КIеззиг /сагIа/ делларг‚ тIаккха дIакъевлинарг /сагIа ца луш/? |
|
35. |
Ткъа цуьнгахь ду-те къайленан Iилма цуна ган гуш? |
|
36. |
Я цуьнга ца дийцина-те Мусан жайнашкахь дерг? |
|
37. |
ИбрахIиман а /жайнашкахь дерг/‚ ша кхочуш дина хилла волчу /шена Дала тIедиллинарш/ |
|
38. |
/Цуьнга ца дийцина-те/: хьур бац хьочо кхечун мохь‚ аьлла‚ |
|
39. |
Дац адамна ша къахьегнарг бен‚ аьлла‚ |
|
40. |
Цуьнан къахьегар тIаьхьа гур ду‚ аьлла‚ |
|
41. |
ТIаьхьа хир бу цуна сов нийса болу бекхам‚ аьлла‚ |
|
42. |
Хьо Кхиош-кхобушволчунга ю /хьан/ чакхе‚ аьлла‚ |
|
43. |
Баккъалла а, Иза ву воьлуьйтург а‚ /Иза ву/ воьлхуьйтург‚ аьлла. |
|
44. |
Баккъалла а, Иза ву волуьйтург а‚ /Иза ву/ денвийриг‚ аьлла‚ |
|
45. |
Баккъалла а, Цо кхоьллина шишша – боьрша а‚ сте а‚ аьлла. |
|
46. |
/Цхьана/ тIадамах иза кхоссабелча /ненан кийрахь долчу беран цIа чу/‚ аьлла. |
|
47. |
Цунна тIехь кхин цхьа кхоллар /белларш денбар/ ду‚ аьлла. |
|
48. |
Баккъалла а, Иза ву‚ аьлла‚ хьал делларг а‚ кхачо яйтинарг а /рицIкъ делла/. |
|
49. |
Баккъалла а, Иза ву Сириус цIе йолу седа Кхобушверг /цуьнан Дела а/‚ аьлла. |
|
50. |
Баккъалла а, Иза ву аьлла Ша хIаллакбинарг хьалхалера Iадаш. |
|
51. |
Самудаш а‚ /цхьа а/ буха ца витира /царех/‚ |
|
52. |
Нухьан къам а‚ хьалха. Баккъалла а, уьш хилира вуно зуламе а‚ вуно дозанах баьлла а. |
|
53. |
Муътафикат а хьалаяьккхина охьатуьйхира Цо. |
|
54. |
ДIахьулйира Цо уьш‚ Ша дIахьулйинарг. |
|
55. |
Хьан Кхиош-кхобуш волчун муьлхачу ниIматаца къуьйсу ахь‚ /хIай‚ адам/? |
|
56. |
ХIара /Мухьаммад пайхамар/ кхерамча ву хьалхалерчу кхерамчех волуш. |
|
57. |
ТIекхечи цIеххьана тIекхочушдерг /къематде/. |
|
58. |
Ма вац цуна Дела воцург дIадоьллуш верг. |
|
59. |
Ткъа цу хабарах а цецдовлу шу? |
|
60. |
Доьлу шу? Ца доьлху шу? |
|
61. |
Ма тIаламза ду шу (шайн хан эрна йойуш)! |
|
62. |
Аш Далла сужд де‚ /Цуна/ Iибадат а де! |
