|
1. |
Ламах /дуй боу Аса/. |
|
2. |
Сиз хьаькхна хилла долчу жайнаца а /дуй боу Аса/. |
|
3. |
Ша даржийначу анний тIехь /яздина/ хилла долчу. |
|
4. |
Шена зиярат дечу цIийнаца а /дуй боу Аса/. |
|
5. |
Айбина хилла болчу тховаца /стигал/ а /дуй боу Аса/. |
|
6. |
Буьззана болчу хIоьрдаца а. |
|
7. |
Баккъалла а, хьо Кхиош-кхобуш волчун Iазап доьжна ма ду (догIур долуш ма ду). |
|
8. |
Ма дац цуна ша духатухург. |
|
9. |
Стигал дIатохалер йолчу /къемат/ дийнахь тохаяларца. |
|
10. |
Лаьмнаш а дIадоладелча дIадоладаларца. |
|
11. |
Бала бу-кх оцу дийнахь /дин/ харц диначаьрна. |
|
12. |
Шаьш харцона чохь ловзуш болчу. |
|
13. |
Оцу дийнахь уьш кхойкхур бу жоьжахатин цIарга кхайкхарца. |
|
14. |
/Эр ду цаьрга/: “ХIара ю и цIе‚ шу ша харц еш хилла долу. |
|
15. |
Бозбуанча ду хIара я шу ца гуш ду? |
|
16. |
Дага цу чохь‚ собар де я ма де /цIарна/ – цхьатерра ду шуна. Шуна бекхам беш бу аш еш хиллачу Iамалшца”. |
|
17. |
Баккъалла а, /Делах/ кхоьруш берш – бошмашкахь а‚ ниIматашкахь а ма бу |
|
18. |
Зовкх хьоьгуш шаьш Кхиош-кхобуш волчо шайна деллачуьнца‚ шаьш Кхиош-кхобуш волчо жоьжахатин Iазапах хьалхадахарца. |
|
19. |
/Эр ду цаьрга/: “ГIоза даа‚ мала шайна шаьш еш хиллачу Iамалш бахьанехь”. |
|
20. |
Вовшашца могIаршца лаьттачу маьнганий тIе тевжина /хир бу уьш/. Оха балор бу царна хьурал Iинаш. |
|
21. |
Шаьш иман диллина хилла берш‚ шайн зуьррет а иманца шайна тIаьхьахIоьттина хилларш – царех тухур ду Оха церан зуьррет а. Церан Iамалех хIумма а эшор а яц Оха. Массо стаг а ша гулдинчуьнца закъалт ву. |
|
22. |
Оха латтор бу царна стоьмаш а‚ жижиг а – царна мел езнарг а. |
|
23. |
Цара вовшашка кхийдор бу чагIаран кад‚ шеца /и молуш/ деса къамелаш доцуш‚ къа а доцуш болу. |
|
24. |
Царна /гIуллакх деш/ тIехьийзар бу кIентий-ялхой‚ шаьш Iалашбеш болу луълуъ санна. |
|
25. |
Уьш вовшашна тIегIур бу хоьттуш. |
|
26. |
Цара эр ду: “Баккъалла а, тхо ма дара хьалха тхан доьзалах кхоьруш /уьш хIаллакхиларна/. |
|
27. |
Дала къинхетам бина тхоьх. Цо кIелхьарадаьхна тхо самуман Iазапах. |
|
28. |
Баккъалла а, тхо дара хьалха /дуьненахь/ Цуьнга доIанаш деш. Баккъалла а, Иза ву диканиг а‚ кхинхетаме верг а”. |
|
29. |
/Керстанашна/ кхерам тасарна тIехь даиман латта! Хьан Делан ниIматаца хьо вац бозбуанча а‚ жиних верг а. |
|
30. |
Я цара олу: “Илланча ву. Хьовсар вай – замано дIалистар ву иза”. |
|
31. |
Ахьа ала: “Хьовса шу. Со а шуьца цхьаьна хьовсачарех ву”. |
|
32. |
Я церан набаран гIенаша хьоьхуш ду-те и царна‚ я иза дозанах даьлла халкъ ду-те? |
|
33. |
Я цара олу: “Цо кхоьллина иза?” ХIаъ‚ уьш ца теша-кх. |
|
34. |
Цуьнах тера дийцар дахьийла цара шаьш бакълуьйш балахь! |
|
35. |
Я уьш хIумма йоцчу хIуманах кхоьллина бу‚ я уьш шаьш бу кхуллурш? |
|
36. |
Я цара кхоьллина стигланаш а‚ латта а? ХIаъ‚ баккъалла а, хьакъ мадду ца хаьа-кх царна. |
|
37. |
Я цаьргахь ю хьан Делан хазнаш‚ я уьш бу урхалла деш? |
|
38. |
Я цаьргахь лами бу‚ /уьш шеца Iарш тIе бовлуш/ ладугIуш цу чохь /дуьйцучуьнга/? Схьадаладе церан ладугIачо билгала делил! |
|
39. |
Я Цуьнан мехкарий бу‚ шуна кIентий бу? |
|
40. |
Я ахьа цаьрга мах боьху уьш декхарша хьулбина болуш? |
|
41. |
Я цаьргахь къайле ю‚ цара дIаяздеш? |
|
42. |
Я мекарло езаш бу уьш? Цатешаш хилларш – царна йина мекарло! |
|
43. |
Я церан АллахI воцург кхин дела ву? ЦIена ву и Дела цара /Шеца/ накъост лацарх! |
|
44. |
Царна стиглара охьа йогIуш кийсагаш гичи а‚ цара эр ма дара: “ТIеттIа йолу марха ю”. |
|
45. |
Бита уьш‚ шегахь ткъес йолу шайн денца цхьаьнакхетталц. |
|
46. |
Оцу дийнахь церан мекарлос цхьанне хIуманах кIелхьара бохур бац уьш‚ царна гIо хир дац! |
|
47. |
Баккъалла а, зулам диначаьрна цул совнаха Iазап хир ду‚ делахь а царех вуно дукха болчарна ца хаьа-кх. |
|
48. |
Хьан Делан хьукамна собаре хила. Хьо Тхан бIаьргийн хьалха ву. Ахьа хьан Далла хастам беш тасбахь де хьуьо хьалагIеттича. |
|
49. |
Буьйсана а тасбахь де Цуна‚ седарчий дIа тилаш а /де тасбахь/. |
