|
1. |
Къаф. Сийлахь долчу КъурIанора /хьо Делан элча ма ву/. |
|
2. |
ХIаъ‚ ма цец баьли уьш шайга шайн юккъера кхерамча варх‚ керстанаша элира: “ХIара тамаше хIума ду: |
|
3. |
Вай делча‚ вайх поппар хилча‚ /вай духа дендийр ду бохург/ – иза дукха генара духадерзар ду”. |
|
4. |
Тхуна хиира мел лаьтто царех дIахьош бу – Тхоьгахь Iалаш деш долу жайна ма ду. |
|
5. |
Цара харцдира бакъдерг /КъурIан/ иза шайга деъначул тIаьхьа‚ тIаккха уьш дукха кегаделлачу гIуллакхехь бу-кх. |
|
6. |
Уьш ца хьоьжу стигала шайна тIехахула‚ муха хIоттина Оха иза /цхьа а бIогIам а боцуш‚ муха/ хазйина‚ цуьнан цхьа а Iуьрг а ма дац. |
|
7. |
Латта а даржина Оха‚ цу чохь дихкина Оха лаьмнаш‚ цу чохь ялийтина Оха массо хазачу шиннах /ораматах/. |
|
8. |
Гар а‚ хьехам а хилла /халийтина Оха уьш/ массо воьрзачу /Тхоьга тобанца/ лена. |
|
9. |
Оха доссадина стиглара беркате хилла долу хи‚ цуьнца Оха ялийтина бошмаш а‚ ялтан буьртиг а. |
|
10. |
Хурманаш‚ ехха шайн тIеттIа стоьм а болуш. |
|
11. |
/Делан/ лешна рицIкъ а хилла. Цуьнца /догIица/ Оха денбина белла болу мохк. Иштта /хир/ ду /шун кешнийн чуьра/ арадовлар а. |
|
12. |
Харцдира /бакъдолу дин/ царел хьалха Нухьан къамас а‚ Рассан дайша а‚ Самудаша а‚ |
|
13. |
Iадаша а‚ ФирIавно а‚ ЛутIан вежарша а‚ |
|
14. |
Айкатан дайша а‚ ТуббаIан къамо а /Цара/ массоша харцбира элчанаш – бакъ хиллера Сан кхерам /царна тIехь/. |
|
15. |
НицIкъ ца кхочуш дисира Тхо хьалха кхолларехь /стигланаш а‚ латта а/? ХIаъ‚ уьш шеконехь бу керлачу кхолларах /денбарх/. |
|
16. |
Оха кхоьллира адам‚ Тхуна хаьа цуьнан сино кхуьссу васвасалла. Тхо герга ду цуна лаган пхал а. |
|
17. |
ТIеоьцу /стаго дийриг/ шино тIеоьцучу /малико/ аьтту агIорхьара аьрру агIорхьара а /шаьш/ хевжина долуш. |
|
18. |
Цхьа а дош олуш ма дац цо шена гергахь кийча волу тергалдеш верг волуш бен /дIаяздеш малик/. |
|
19. |
Валаран вахар деара /эхартан гIуллакх/ бакъ хиларца. Иза дара хьо шех водуш /кхоьруш/ верг. |
|
20. |
Сур лекхира – иза ду ша /Дала керстанашна Iазап дир ду аьлла/ ваIда йина де. |
|
21. |
Деара массо са шеца дIалоллург а‚ теш а волуш /шеца маликаш а долуш/. |
|
22. |
Хьо хиллера хьокхунах гIапал волуш /тидаме ца оьцуш/ – Оха айдира хьан /бIаьргийн/ тIера кирхьа – тахана хьан бIаьрса ира хилира. |
|
23. |
Элира цуьнан накъосто /цунна тIе хIоттинчу малико/: “ХIара ду соьгахь /хьуна/ кечдинарг” – /жоьжахатин Iазап/. |
|
24. |
/Омра хир ду/: “Аша шиммо /тIехIоьттинчу малико/ кхосса жоьжахати чу массо нуьцIкъала /дуьхьал/ волу керста. |
|
25. |
Диканах /нах/ духатухуш хилла волу‚ дозанах ваьлла хилла волу‚ /динехь нахе/ шеко йойтуш хилла волу. |
|
26. |
Иза ву ша Делаца кхин дела хилийтинарг‚ аша шиммо /омра шина малике ду/ кхосса иза чIогIачу Iазапа чу”. |
|
27. |
Цуьнан накъосто элира: “Тхан Кхиош-кхобушверг! Аса ца тилина иза‚ тек иза ша хили-кх генарчу тиларчохь”. |
|
28. |
Элира /Дала/: “Аш ма къийса Суна гергахь. Аса хьалха /дуьненахь/ бахийтира шуна Сан кхерам. |
|
29. |
Дош хийцор дац Суна гергахь. Со вац зулам дийр долуш Сан лешна”. |
|
30. |
Оцу дийнахь Оха эр ду жоьжахатига: “Хьо юьзний?” Цо эр: “Кхин сов бу-й?” /чубахка/. |
|
31. |
Гергаялира ялсамани /Делах/ кхоьручаьрна гена йоцуш. |
|
32. |
ХIара ду шуна хир ду аьлларг массо /тоба дарца/ Далла тIе воьрзучунна‚ /дин/ Iалашдечунна. |
|
33. |
Къинхетаме волчунах кхоьруш хиллачунна Иза шена гуш воццушехь‚ Ша /Далла тIе/ доьрзучу дагца веъна волчу. |
|
34. |
ЧугIо цуна машарца! ХIара ду гуттаренан де. |
|
35. |
Царна шайна луург ду цу чохь. Тхоьгахь тIетоха а ду. |
|
36. |
Мел хIаллакьйина Оха царел хьалха тIаьхьенаш‚ уьш царел мелхо а чIогIа а болуш нуьцIкъаца. Уьш дIа-схьаийдира махкахула‚ ю-й техьа /валарх/ кIелхьарабовла меттиг? |
|
37. |
Баккъалла а, цу чохь хьехам бу-кх шена дог долчунна‚ я ша лерг диллинчунна /ладогIа/ ша теш а волуш. |
|
38. |
Оха кхоьллира стигланаш а‚ латта а‚ цу шиннан юккъехь мел дерг а ялх дийнахь‚ Тхоьх ца хьакхаделира цхьа а кIаддалар. |
|
39. |
Ахьа собар де цара дуьйцучунна тIехь‚ тасбахь де хьуьо Кхиош-кхобуш верг хасторца малх схьакхетале а‚ дIабузале а. |
|
40. |
Буьйсанах а – тасбахь де Цуна‚ сужданийн /ламазийн/ тIаьхьа а. |
|
41. |
ЛадогIа оцу дийнахь кхойкхучо кхойкхур долчу гергарчу меттера. |
|
42. |
Оцу дийнахь царна хозур бу мохь /юха денбар/ бакъдеш. Иза арадовлу де ду /кешнашкара/. |
|
43. |
Баккъалла а, Оха денбо‚ Оха болуьйту‚ Тхуна тIе ду дIадерзар а. |
|
44. |
Оцу дийнахь латта дедар ду царех /уьш/ сихлуш /шаьш кхойкхучунна тIе/. Иза гулдар Тхуна атта ду. |
|
45. |
Тхо дика хууш ду цара олург. Хьо вац царна тIехь ницIкъ бан. Хьехам бе КъурIанца Сан кхерамах кхоьруш волчунна. |
