Quran eBook
|
1. |
/Аса дуй боу/ могIаршкахь лаьттачарех могIарца. |
|
2. |
/Аса дуй боу/ лохкучарех лахкарца. |
|
3. |
/Аса дуй боу/ доьшучарех хьехам. |
|
4. |
Баккъалла а, шун Дела цхьаъ ву. |
|
5. |
Стигланийн а‚ лаьттан а‚ цу шиннан юккъехь мел долчун а Да волу‚ малхбалийн а Да волу. |
|
6. |
Баккъалла а, Оха хаздина гергара стигал седарчийн хазаллица. |
|
7. |
Iалашдарца а массо карзах даьллачу шайтIанах. |
|
8. |
Цара ладогIур дац Лакхарчу Кхеташоне‚ духатухур ду массо агIорхьара |
|
9. |
Генадаккхарца‚ царна гуттарена долу Iазап ду. |
|
10. |
Сихха /цхьа дош/ схьалаьцнарг доцург‚ цуна тIаьхьакхуьу /стиглара/ охьабужу цIе туху седа. |
|
11. |
Ахьа хаттал цаьрга: “Уьш бу вуно чIогIа кхолла‚ я Оха кхоьллинарг ду? Баккъалла а, Оха кхоьллина уьш /церан бух – Адам/ леташ болчу поппарах. |
|
12. |
ХIаъ‚ цецваьлла хьо? Уьш ца бешаш бу /хьан цецваларх/. |
|
13. |
Шайна /КъурIанца/ кхерам тесчи а, цара тидам ца бо. |
|
14. |
Шайна делил гичи а тIех ца бешаш хуьлу. |
|
15. |
Цара элира: “ХIара билгала бозбуанчалла а бен дац. |
|
16. |
Вай делча‚ вайх поппар а‚ даьIахкаш а хилча вай духадендийр ду? |
|
17. |
Я вайн хьалхалера дай?” |
|
18. |
Ахьа ала: “ХIаъ‚ шу кIелдуьсур ма ду”. |
|
19. |
Иза-м цхьа аз бен дац – уьш хьоьжуш хир бу. |
|
20. |
Шаьш олуш: “Ма бала бу вайна! ХIара ду-кх и бекхаман де”. |
|
21. |
“ХIара ду-кх и къастаран де‚ аша ша харцдеш хилла долу”. (Эр ду цаьрга маликаша бехк боккхуш). |
|
22. |
“Схьагулбе и зулам динарш а‚ церан зударий а‚ цара /шайна/ Iибадат деш хилларш а! |
|
23. |
Дела а витина. ДIанисбе уьш жоьжахатин новкъа! |
|
24. |
Совцабе уьш – цаьрга барт хоттур бу!” /И эр ду цаьрга маликаша Делан пурбанца/. |
|
25. |
“Шуна хIун хилла? Вовшашна гIо деш ма дац шу?” |
|
26. |
ХIаъ‚ уьш тахана мукIар хилла. |
|
27. |
Царех цхьаберш дуьхьалбаьлла вакхарга хоьттуш. |
|
28. |
Олуш: “Шу ма дара тхуна тIедогIуш аьтту агIорхьара”. |
|
29. |
/Вакхара/ эр: “ХIаъ‚ шу шаьш ца хилира тешаш /Делах/. |
|
30. |
Тхуна шуна тIехь цхьа а бакъо яцара. ХIаъ‚ шу шаьш хили тIехдаьлла къам. |
|
31. |
Тхуна тIехь бакъ хили тхан Кхиош-кхобучун дош. Баккъалла а, оха Iовшур ду-кх /Iазап/. |
|
32. |
Оха шу а тили-кх‚ баккъалла а, тхо тхаьш а хилла-кх тиладелла”. |
|
33. |
Баккъалла а, уьш оцу дийнахь Iазапехь /цхьанна/ декъах хир бу. |
|
34. |
Баккъалла а, Оха ишта до къинош диначаьрна. |
|
35. |
Баккъалла а, уьш хилира шайга аьлча: “Кхин дела вац АллахI бен” курабуьйлуш. |
|
36. |
Цара олура: “Оха буьтура ткъа тхан делий жинех волчу илланчина дуьхьа”. |
|
37. |
ХIаъ‚ иза-м веъна бакъдолчуьнца‚ цо бакъбина баийтинарш. |
|
38. |
Баккъалла а, аша Iовшур ма ду лазош долу Iазап. |
|
39. |
Шуна бекхам хир ма бац аша деш хилларг бен. |
|
40. |
Делан сов цIена леш боцучаьра. |
|
41. |
Царна – девзаш долу рицIкъ ду – |
|
42. |
Стоьмаш‚ церан сийдеш хир ду |
|
43. |
НиIматийн бошмашкахь. |
|
44. |
Маьнганий тIехь вовшийн духь-дуьхьал лаьтташ. |
|
45. |
Царна /тIехьизаш/ го боккхур бу /бераша/ шовданчуьру (ихачу) чагIаран кадаца. |
|
46. |
КIайн‚ чоме /малар/ долуш молучаьрна. |
|
47. |
Цу чохь /хьекъал/ талхор а дац /корта лезаш/‚ уьш цунах бехар а бац. |
|
48. |
БIаьрса лоцу долуш бIаьргаш баккхий болу /хаза зударий/ хир бу церан. |
|
49. |
Шаьш хьуламехь долчу хIоах тера. |
|
50. |
Царех цхьаберш вакхарна дуьхьал гIур бу хоьттуш. |
|
51. |
Эр ду царех олучо: “Баккъалла а, сан цхьа накъост ма вара /дуьненахь долуш/. |
|
52. |
Цо олура: “Баккъалла а, хьо /пайхамараш/ бакъбечарех ву? |
|
53. |
Вай делча‚ вайх поппар а‚ даьIахкаш а хилча вай бекхаме узур ду?” |
|
54. |
Цо элира: “Шу хьовсий?” |
|
55. |
Иза хьевсира‚ тIаккха цуна иза жоьжахатин юккъехь гира. |
|
56. |
Цо элира: “ТаллахIи‚ /цхьана маьIIара/ со хIаллак веш ма лаьттара ахьа. |
|
57. |
Сан Кхиош-кхобучун ниIмат ца хиллехьара со хир ма вара /хIоккхахь/ лаьттачарех”. |
|
58. |
/Ялсаманин охIлано эр ду/: “Вай лийр долуш дац? |
|
59. |
Вайн цIа далар а бен‚ вайна Iазап дийр долуш а дац? |
|
60. |
Баккъалла а, хIара бу-кх боккха толам. |
|
61. |
Ишттачунна дуьхьа къахьоьгийла къахьоьгучаьра”. |
|
62. |
Ткъа иза ду дика тIедосса /хьошалгIа/‚ я заккъум дитт ду? |
|
63. |
Баккъалла а, Оха иза хилийтина питна хилла зуламхошна. |
|
64. |
Баккъалла а, иза ду жоьжахатин бухахь арадолу дитт. |
|
65. |
Цуьнан стоьмаш бу шайтIанийн кортош санна. |
|
66. |
Баккъалла а, цара цунах дуур долуш а ду‚ гайнаш юзор йолуш а ю цунах. |
|
67. |
ТIаккха баккъалла а, царна цуьнан тIе /тоьхна/ цIийдина хи ду. |
|
68. |
ТIаккха баккъалла а, церан дIадерзар жоьжахате а ду. |
|
69. |
Баккъалла а, царна карийра шайн дай а тилабелла. |
|
70. |
Уьш церан лорах лехкира. (Дуьненахь болуш шайн дайша дина къинош дира цара а). |
|
71. |
Тилабелира царел хьалха дуьххьашхалгIачарех дукхох берш. |
|
72. |
Оха бахийтира цаьргахь кхерамчаш. |
|
73. |
Хьажал‚ муха хилла шайна кхерам тесначаьрийн тIаьхье. |
|
74. |
Делан сов цIена леш боцучаьрийн. |
|
75. |
Тхоьга кхийкхира Нухьас – ма дика жоп луш дерш ду /Тхо/. |
|
76. |
Оха хьалхаваьккхира иза а‚ цуьнан доьзал а боккхачу балех. |
|
77. |
Оха хилийтира цуьнан зуьррет – иза бухадуьсург. |
|
78. |
Оха цуна дитира /хаза хаставар/ тIаьхьенашкахь. |
|
79. |
Салам ду Нухьана Iаламашкахь. |
|
80. |
Баккъалла а, Оха иштта бекхам бо дикачаьрна. |
|
81. |
Баккъалла а, иза ву Тхан муъма лех. |
|
82. |
ТIаккха Оха хи буха бахийтира бисинарш. |
|
83. |
Баккъалла а, цуьнан тобанах ма ву ИбрахIим а. |
|
84. |
Иза веара шен Кхиош-кхобучунна тIе цIеначу дагца. |
|
85. |
Цо аьллера шен дега а‚ шен къаме а: “ХIун ю аша Iибадат деш ерг? |
|
86. |
Харцдерг делий /лаца/ лаьа шуна АллахI вуьтий? |
|
87. |
ХIун ду шуна моьттург Iаламийн Дех?” |
|
88. |
Иза хьежира хьажарца седаршка. |
|
89. |
ТIаккха цо элира: “Баккъалла а, со цомгаш ву”. |
|
90. |
Уьш дIабирзира цунах‚ юха ца бовлуш. |
|
91. |
Иза тIевирзира церан делашна‚ цо элира: “Аша ца юу? |
|
92. |
Шуна хIун хилла‚ дист ца хуьлу шу?” |
|
93. |
Иза тIевирзира царна тухуш аьтту куьйгаца. |
|
94. |
Уьш дуьхьалкхийтира цуна бевда беъна. |
|
95. |
Цо элира: “Аша Iибадат до ткъа шаьш хьоькхуш йиначаьрна?” |
|
96. |
Дела ма ву шу кхоьллинарг а‚ аша еш ерг а /кхоьллинарг а/”. |
|
97. |
Цара элира: “Е цунна гIишло‚ чу кхосса иза егачу цIарга!” |
|
98. |
Царна лиира цуьнца мекарло ян‚ Оха хилийтира уьш кIелбисинчарех. |
|
99. |
Цо /ИбрахIима/ элира: “Баккъалла а, со воьду сан Кхиош-кхобучун тIе. Цо нисвийр ву со. |
|
100. |
Сан Кхиош-кхобушверг‚ суна дикачарех /доьзалхо/ лолахь”. |
|
101. |
Оха цуна кхаъ баьккхира даккха собаре кIантаца. |
|
102. |
Иза цуьнца /ИбрахIимца/ сиха лелалучу хьоле кхаьчча‚ цо /ИбрахIимо/ элира: “ХIай сан кIант‚ баккъалла а, суна го гIенах аса хьуна /гIурбанна/ урс хьокхуш‚ хьажал‚ хьуна хIун хета”. Цо элира: “Дада‚ хьайга омра дерг де‚ хьуна со карор ву‚ Далла лаахь‚ собаречарех”. |
|
103. |
И шиъ /Далла/ мукIар хилча‚ цо /ИбрахIима/ иза хьаьжа тIе вожича‚ |
|
104. |
Оха цуьнга кхийкхира: “ХIай‚ ИбрахIим! |
|
105. |
Бакъхилийти ахьа гIан”. Баккъалла а, Оха ишта бекхам бо дикачаьрна. |
|
106. |
Баккъалла а, хIара – иза ду-кх билгала долу зер. |
|
107. |
Оха текхира цунах доккха гIурба. |
|
108. |
Оха дитира цуьнан /цIе яккхар а‚ и хаствар а/ тIаьхьабогIучаьргахь. |
|
109. |
Салам-маршалла ду ИбрахIимна. |
|
110. |
Оха ишта бекхам бо дикачаьрна. |
|
111. |
Баккъалла а, иза ву Тхан муъма лех. |
|
112. |
Оха кхаъ баьккхира цуна Исхьакъаца‚ – дикачарех пайхамарца. |
|
113. |
Оха декъалвира иза а‚ Исхьакъ а. Цу шиннан зуьрретах диканиг а ву‚ ша шена билгала зуламхо а ву. |
|
114. |
Мусана а‚ ХIаруна а дира Оха дика. |
|
115. |
КIелхьара ваьккхира Оха и шиъ а‚ цу шиннан къам а боккхачу баланах. |
|
116. |
Царна гIо дира Оха – уьш хилира тоьлларш. |
|
117. |
Оха делира цу шиннега билгала долу жайна. |
|
118. |
Оха нисвира и шиъ нийсачу новкъа. |
|
119. |
Оха дитира цу шиннена /хаза цIе яккхар/ тIаьхьабогIучаьргахь. |
|
120. |
Салам-маршалла ду Мусана а‚ ХIаруна а. |
|
121. |
Баккъалла а, Оха ишта бекхам бо дикачаьрна. |
|
122. |
Баккъалла а, и шиъ Тхан муъма лех ву. |
|
123. |
Баккъалла а, Ильяс а ма ву баийтинчарех. |
|
124. |
Цо ма элира шен къаме: “Шу /Далах/ ца кхоьру? |
|
125. |
Аша кхойкху ткъа БаIлага‚ уггар дика кхоллархо а вуьтий? |
|
126. |
АллахI – шун Дела а, шун хьалхалера дайн Дела а вуьтий?” |
|
127. |
/ТIаккха/ цара иза харцвира – баккъалла а, уьш хьалхахIоттор ма бу /жоьжахатина‚ Iазапна/. |
|
128. |
Делан сов цIена леш боцурш. |
|
129. |
Оха дитира цуна /цIе яккхар/ тIаьхьабогIучаьргахь. |
|
130. |
Салам-маршалла ду Ильясана. |
|
131. |
Баккъалла а, Оха ишта бекхам бо дикачаьрна. |
|
132. |
Баккъалла а, и Тхан муъма лех ву. |
|
133. |
Баккъалла а, ЛутI а ву баийтинчарех. |
|
134. |
Оха кIелхьараваьккхира иза а‚ цуьнан берриге доьзал а. |
|
135. |
Цхьа йоккха стаг йоцург бухабисинчаьрна юкъахь йолу. |
|
136. |
ТIаккха Оха этира бисинарш. |
|
137. |
Баккъалла а, шу лелаш ма ду-й царна юкхехула Iуьйрана а‚ |
|
138. |
Буьйсана а. Шу хьекъале ца хуьлу? |
|
139. |
Баккъалла а, Юнус а ву баийтинчарех. |
|
140. |
Ведара иза дуьзанчу кема тIе. |
|
141. |
Цо кхаж тесира /царца/ – иза эшначарех хилира. |
|
142. |
И кхеллира чIеро и бехке а волуш. |
|
143. |
Баккъалла а, иза ца хиллехьара тасбахь дечарех |
|
144. |
Вуьсара ма вара цуьнан кийрахь уьш духадендечу /къемат/ дийне кхаччалц. |
|
145. |
Кхоьссира Оха иза есачу аре цомгуш а волуш. |
|
146. |
Оха далийтира цуна туьтен (гIабакхан) дитт. |
|
147. |
Оха вахийтира иза бIа эзарна /дуккха нахана тIе/ я совболчаьрга. |
|
148. |
Цара иман диллира – Оха цхьа хан тIекхаччалц бахам белира царна. |
|
149. |
Ахьа хаттал цаьрга: “Ткъа хьан Кхиош-кхобучунна мехкарий бу‚ ткъа царна кIентий бу. |
|
150. |
Я Оха кхоьллина маликаш зударийн /тайпана/ царна гуш?” |
|
151. |
ХIан-хIа! Баккъалла а, шайн эладитанах дуьйцуш ма ду и цара |
|
152. |
Дала бера дина /бохуш/ – баккъалла а, уьш харцлуьйш ма бу. |
|
153. |
Мехкарий хаьржина Цо кIентийл‚ /бохуш/? |
|
154. |
ХIун ду шуна‚ муха хьукам до аша? |
|
155. |
Ойла ца йо аша? |
|
156. |
Я шун билгала бакъо ю? |
|
157. |
Схьало шайн жайна, шу бакълуьйш хиллехь. |
|
158. |
Цара хилийтира Цуьнан а‚ жинийн юкъахь гергарло. Жинашна хиира уьш дIахIоттор буйла. |
|
159. |
ЦIена ву и Дела цара дечу /харц/ сипатах. |
|
160. |
Сов цIена Делан леш боцурш /жоьжахатина хьалха дIахIоттор бу/. |
|
161. |
Баккъалла а, аша а‚ аша /шена/ Iибадат дечо а – |
|
162. |
Аша питне лоцур ма вац |
|
163. |
Ша жоьжахатехь вегар верг бен. |
|
164. |
Тхоьх ма дац цхьа а шена билгала меттиг йолуш бен. |
|
165. |
Баккъалла а, тхо могIарш бина ду /ламазна хIоттина/. |
|
166. |
Баккъалла а, тхо тасбахь деш ду. |
|
167. |
Уьш хиллехь олуш: |
|
168. |
“Тхоьгахь хьехам хиллехьара хьалхалерачаьргара‚ |
|
169. |
Тхо хир дара Делан сов цIена леш”. |
|
170. |
Керстаналла дина цара цуна /КъурIанна/‚ тIаьхьа хуур ду царна. |
|
171. |
Хьалхаделира Тхан дош Тхан бахкитинчу лешка. |
|
172. |
Баккъалла а, уьш – уьш бу шайн гIо дийр дерш. |
|
173. |
Баккъалла а, Тхан эскар /муъма нах/ – и ду толамхо. |
|
174. |
Вуха вала царех цхьа хан яллалц. |
|
175. |
Гайта цаьрга /царна Iазап дуссуш/ – тIаьхьа гур ду царна /шайн керстаналлин бекхам/. |
|
176. |
Ткъа Тхан Iазапца а сих ло уьш? |
|
177. |
Иза /Iазап/ доьссича церан къомана – ма вон хилла-кх шайна кхерам тесначаьрийн Iуьйре. |
|
178. |
Вуха вала царех цхьа хан яллалц. |
|
179. |
Гайта – тIаьхьа гур ду царна. |
|
180. |
ЦIена ву хьан Кхиош-кхобург‚ сийлаллин Эла – цара дечу сипатах. |
|
181. |
Салам-маршалла ду элчанашна. |
|
182. |
Хастам бу Далла – Iаламийн Дена. |
