|
1. |
Алиф-лам-мим. |
|
2. |
Жайна охьадоссор /ду хIара/‚ шена чохь шеко йоцуш‚ Iаламийн Дегара. |
|
3. |
Я цара олу: “Цо /Мухьаммада/ кхоьллина /харцдерг/ ду иза?” ХIаъ‚ иза бакъдерг ду хьан Кхиош-кхобучуьнгара ахьа къаман кхерам тасархьама‚ хьоьл хьалха шайга цхьа а кхерамча веана воцчу‚ уьш нийсачу новкъа хIуттур бацара-те? |
|
4. |
Дела ву Ша стигланаш а‚ латта а кхоьллинарг ялх дийнахь‚ тIаккха дIанисвелира Иза Iаршан тIехь. Ма вац шуна Иза воцург цхьа а вали а /доттагIа/‚ цхьа а гIодаккхархо а‚ шу ца кхета-те? |
|
5. |
Омра дIасадоькъу Цо стиглара лаьттан тIе‚ тIаккха иза /омра/ Цуьнан тIе айло дийнахь‚ шен барам эзар шо долуш аша дагардечу кепара. |
|
6. |
Иза ву къайлахьдерг а‚ гучахьдерг а хууш верг а‚ веза верг а‚ къинхетаме верг а /ву Иза/. |
|
7. |
Иза ву Ша мел кхоьллинарг хаза динарг. Адам кхолла волавелла Иза поппарах. |
|
8. |
ТIаккха цуьнан тIаьхье хилийтира Цо гIаддайначу хинан тIадамах (ораллах). |
|
9. |
ТIаккха Цо иза нисвира‚ Цо диллира цу чу Шен сих‚ Цо хилийтира шуна хазар а‚ бIаьрса а‚ дегнаш а. Ма кIеззиг ду-кх аша шукур дийриг. |
|
10. |
Цара элира: “Тхо дайча лаьттахь‚ тхо керлачу кхолларехь хир ду-й‚ /духа дендийр ду-й/?” ХIаъ‚ уьш шайн Кхиош-кхобучуьнца цхьанакхетарна керста хили. |
|
11. |
Ахьа ала: “Долуьйтур ду шу даларан малико‚ ша шуна тIе хIоттина долчу‚ тIаккха шайн Кхиош-кхобучунна тIе шу дIадерзор ду. |
|
12. |
Хьуна гуш балхьара и къинош динарш шайн кортош охьатаIина шайн Кхиош-кхобучун хьалха /олуш/: “Тхан Кхиош-кхобушверг‚ гина тхуна‚ хезна тхуна‚ духадерзадехь тхо /дуьненан чу/ – дика Iамал йийр яра оха‚ тхо /хIинца/ тешна ду”. |
|
13. |
Тхуна лиънехьара Оха лур бара хIора сине шен нийса некъ‚ делахь а бакъ хили-кх Соьгара дош: “Юзанне е юзур ма ю Аса жоьжахати жинех а нахах массарех”. |
|
14. |
Iовша /Iазап/ хIокху шайн денца цхьаьнакхетар аша дицдарна. Оха шу а дицдина. Iовша гуттаренан Iазап шаьш /дуьненахь/ деш хилларг бахьанехь. |
|
15. |
Баккъалла а, тешаш бу Тхан аятех шайна уьш хьехийча суждане бегаш берш‚ шайн Кхиош-кхобучунна хастам барца тасбахь деш берш‚ шаьш кура а ца бовлуш. |
|
16. |
Церан агIонаш айло /буьйшачу/ меттигашкара‚ шайн Кхиош-кхобучуьнга кхойкху цара (Цуьнан Iазапах) кхерарца а‚ (Цуьнан къинхетаме) догдахарца а‚ Оха шайна деллачу рицIкъех сагIа ло цара. |
|
17. |
Ца хаьа сина‚ хIун шайна хьулйина ю бIаьргашна езачарех шаьш йина хиллачу Iамална дуьхьал. |
|
18. |
Ткъа муъма хилларг ву песакх хиллачух тера? Нис ца ло уьш. |
|
19. |
Ткъа иман диллинарш а‚ дика Iамалш йинарш а – царна бошмаш ю чугIойла‚ хьешана санна кечйина йолу цара йина хилла Iамал бахьанехь. |
|
20. |
Ткъа песакх хилларш а – церан чугIойла цIе ю. Царна цу чуьра арабала мел лии – цу чу бухаберзор бу уьш‚ цаьрга эр ду: “Iовша шайна цIеран Iазап‚ шаьш иза харцдеш хилла долу”. |
|
21. |
Оха Iовшанне а Iовшийтур ма ду цаьрга дайа Iазап‚ /эхартан/ доккха Iазапал хьалха бухабаьрбацара-те уьш /къиношдечух/. |
|
22. |
Ткъа мила ву зуламе шен Кхиош-кхобучун аяташ шена хьехадеш тIаккха царех дIавоьрзуш волчул? Баккъалла а, Тхо къинош диначарех бекхам /чIир/ оьцур берш ма ду. |
|
23. |
Оха деллера Мусага жайна – хьо ма хилалахь шеконехь цуьнца цхьанакхетарна. Оха хилийтира цунах /Товратах/ нийса некъ Исраилан кIенташна. |
|
24. |
Оха хилийтира царна юкъахь имамаш‚ шаьш нисбелла болу Тхан омраца, шаьш собаре хиллачул тIаьхьа. Уьш хилира Тхан аятех тешаш. |
|
25. |
Баккъалла а, хьан Кхиош-кхобучо къастор ду царна юккъехь къематдийнахь церан хиллачу хилпалонехь. |
|
26. |
Ткъа Оха царел хьалха мел хIаллак йинчу тIаьхьенаша а нис ца бо-те уьш /бакъдолчунна тIе/? Уьш лелаш ма бу церан гIишлошкахула. Баккъалла а, цу чохь /Тхо бакъхиларан/ делилаш ду-кх! Цара ла ца дугIу-те? |
|
27. |
Царна ца го-те Оха лохку хи /дакъаделла/ этIачу лаьттана тIе‚ цуьнца ялта арадолуьйту – цунах ма дуу церан бежнаша а‚ цара шаьш а?! Царна ца го-те? |
|
28. |
Цара /дин харцдечара/ олу: “Маца хир бу /шуна/ толам /тхуна тIехь/ шу бакълуьйш делахь?” |
|
29. |
Ахьа ала: “Толаман дийнахь пайда бийр бац цатешачаьрна церан имано‚ уьш тIаьхьатоттур а бац” /тоба дан/. |
|
30. |
ДIаверза царех‚ хьоьжуш Iелахь‚ уьш бу хьуна хьоьжуш Iаш. |
