1. |
Мен ант этеме, (аман адамны) джанын джыртыб, хыны алыучу, |
2. |
(ийманлыны) джанын да джумушакъ алыучу, |
3. |
хауада сюзюлюб джюзюучю, |
4. |
ашыгъыб бир – бирин озуучу, |
5. |
буйрукъну тындырыучу мёлекле бла. |
6. |
Ол титирерик титиреген кюн (къыямат кюн), |
7. |
аны ызындан экинчи (титиреу) да келир, |
8. |
ол кюн джюрекле къалтырарла, |
9. |
кёзле да сюзюлюрле (бетле кетиб). |
10. |
Мухаммад), ала (мушрикле): “Сора биз, ишексиз, бурун халыбызгъамы къайытырбыз? |
11. |
биз чириб бошаб, сюек болгъандан сора?” – дерле. |
12. |
Дагъыда ала: “Алай болса, ол къайытыу а къолай къайытыу тюлдю”, – дерле. |
13. |
(Алагъа джууаб), ол кюн а, джангыз бир ачы таууш болур, |
14. |
ала олсагъатлай (къабырдан) уяныб сагъайырла. |
15. |
(Мухаммад), сеннге Муссаны хапары келдими? |
16. |
Раббиси анга Тууаа деген бир сыйлы тюзде, таууш этгени: |
17. |
“Фыргъаууннга бар, ишексиз, ол чекден чыкъгъанды, |
18. |
сен анга: “Тазаланыргъа (йиманын) къалайса сен?” – де, |
19. |
хо болсанг, мен сени Раббинги джолуна тюзетейим, Аллахынгдан къоркъа билирсе”, – деб, бар. |
20. |
(Баргъанында) анга Мусса уллу сейир белги кёгюзтдю. |
21. |
Ол аны ётюрюкге санаб тынгыламады, |
22. |
дженгил огъуна ары бурулуб, |
23. |
адамларын джыйыб, алагъа таууш этди: |
24. |
“Сизни мийик раббигиз менме да”, – деди, |
25. |
Сора Аллах да аны дунияда, ахыратда да (азабха) тутду. |
26. |
Ишексиз, ол затда къоркъа билгеннге керти оюм барды. |
27. |
Джаратылмакъда, сизми деменгилирексиз, огъесе, кёклеми? Аны уа Ол ишледи. |
28. |
Ол аны мийикге кёлтюрюб джарашдырыб къурады, |
29. |
аны кечесин – къарангы, кюндюзюн – джарыкъ этди, |
30. |
андан сора джерни да (тёгерек) этиб джайды, |
31. |
сууун, отлауун да чыгъарды, |
32. |
мийик тауланы да сюеди. |
33. |
Сиз да, малларыгъыз да хайырланыргъа. |
34. |
(Къыяма келиб) уллу къыйынлыкъ басхан заманда, |
35. |
ол кюн хар адам (дунияда) неге талпыгъанын (игиге, аманнга) эсине тюшюрюр, |
36. |
ол кюн кёзге джаханим туура болур. |
37. |
Сора (Аллах салгъан) чекден да чыкъгъан, |
38. |
дуния джашауну да сайлагъан адамны айтсакъ, |
39. |
ишексиз, аны орну джаханим болур. |
40. |
Алай а Раббисини аллына сюелирин (унутмай) къоркъуб, нафсы хауасын бошламай, аны тыйыб джашагъанны айтсакъ, |
41. |
ишексиз, аны орну да джаннет болур. |
42. |
(Мухаммад), сеннге: “Къыямат кюн къачан келликди?” – деб сорадыла. |
43. |
Аны айтыргъа сенде билим къайда? |
44. |
Аны билими Раббинге тиреледи. |
45. |
Сен а, къуру Аллахдан къоркъгъан адамны сакълыкъгъа чакъырыучуса. |
46. |
Ала аны (къыяматны) кёрген кюн, бу (дуния) алагъа, не ингирчакълы, не эртденчакълы бир кёрюнюр. |